2026వ సంవత్సరం వచ్చేసింది. జ్యోతిష్కులు ఇప్పటికే ఈ సంవత్సరంలో జరగబోయే మార్పుల గురించి తమ అభిప్రాయాలను వ్యక్తం చేస్తున్నారు. ఈ క్రమంలోనే, సుమారు 500 ఏళ్ల క్రితం ఫ్రెంచ్ జ్ఞాని నోస్ట్రడామస్ రాసిన అంచనాలు ఇప్పుడు సోషల్ మీడియాలో వైరల్ అవుతున్నాయి. నోస్ట్రడామస్ గతంలో చెప్పిన అనేక విషయాలు (ఉదాహరణకు సెప్టెంబర్ 11 దాడులు) నిజమవ్వడంతో, ప్రతి ఏటా ఆయన అంచనాలపై ప్రపంచవ్యాప్తంగా ఆసక్తి నెలకొంటుంది.
2026 కోసం నోస్ట్రడామస్ అంచనాలు:
1. ప్రముఖ వ్యక్తిపై దాడి: “ఒక గొప్ప వ్యక్తి పగటిపూట పిడుగుపాటుకు గురవుతాడు” అని ఆయన పేర్కొన్నారు. ఇక్కడ ‘పిడుగు’ అంటే ఆకాశం నుండి పడేది మాత్రమే కాదు, అది ఒక హంతకుడి తుపాకీ గుండు లేదా ఆకస్మిక దాడి కావచ్చునని విశ్లేషకులు భావిస్తున్నారు. ఆ ‘గొప్ప వ్యక్తి’ రాజకీయంగా లేదా సామాజికంగా అత్యంత ప్రభావవంతమైన వ్యక్తి అయి ఉండవచ్చు.
2. కొత్త వ్యాధులు మరియు యుద్ధ భయం:
- డస్కనీ (Tuscany): ఇటలీలోని ఈ ప్రాంతంలో మళ్లీ కొత్త రకమైన వైరస్ లేదా అంటువ్యాధులు ప్రబలే అవకాశం ఉందని ఆయన సూచించారు.
- టిసినో (Ticino): స్విట్జర్లాండ్‌లోని ఈ ప్రాంతం ‘రక్తంతో నిండిపోతుంది’ అని ఆయన పేర్కొన్నారు. తటస్థ దేశంగా ఉంటూ యుద్ధాలకు దూరంగా ఉండే స్విట్జర్లాండ్ కూడా ఈసారి ఘర్షణల బారిన పడవచ్చని దీని అర్థం.
3. సముద్రతీరంలో ఉద్రిక్తతలు: 2026లో నావికా దళం లేదా సముద్ర మార్గాలకు సంబంధించి ఒక పెద్ద సంఘటన జరుగుతుందని అంచనా. ఏదైనా దేశం తీసుకునే తప్పుడు రాజకీయ లేదా సైనిక నిర్ణయం వల్ల సముద్రంలో ఉద్రిక్తతలు పెరిగి, ఒక భారీ నౌక మునిగిపోయే ప్రమాదం ఉంది. ఇది ప్రపంచ రాజకీయాల్లో పెద్ద మార్పులకు దారితీయవచ్చు.
4. ఆర్థిక సంక్షోభం: అమెరికా, బ్రిటన్ వంటి అగ్రరాజ్యాలు తీవ్ర ఆర్థిక మాంద్యాన్ని ఎదుర్కోవచ్చు. నిరుద్యోగం, ద్రవ్యోల్బణం పెరగడం వల్ల ప్రజల్లో అసంతృప్తి పెరిగి ప్రభుత్వాలకు వ్యతిరేకంగా పెద్ద ఎత్తున నిరసనలు జరిగే అవకాశం ఉంది. ఇది అనేక దేశాల్లో నాయకత్వ మార్పులకు కారణం కావచ్చు.
5. అణు ఆయుధాలు మరియు వాతావరణ మార్పులు: ఒక పెద్ద దేశం అణు దాడులకు సిద్ధపడటం వల్ల ప్రపంచవ్యాప్తంగా భయాందోళనలు నెలకొంటాయి. దీనివల్ల అంతరిక్ష పరిశోధనలు, ముఖ్యంగా అంగారక గ్రహం (Mars) పై జరిగే ప్రయోగాలు కుంటుపడవచ్చు. మరోవైపు, తీవ్రమైన ఉష్ణోగ్రతల వల్ల సాగు భూములు ఎడారిగా మారడం, కొన్ని చోట్ల అకాల వర్షాలు మరియు వరదల వల్ల జనజీవనం అస్తవ్యస్తం కావచ్చు.
6. కృత్రిమ మేధ (AI) మరియు ఆహార కొరత: గోధుమలు వంటి ఆహార ధాన్యాల ధరలు ఆకాశాన్ని తాకుతాయి. ఇది పేద దేశాల్లో ఆహార భద్రతకు సవాలుగా మారుతుంది. అదే సమయంలో, కృత్రిమ మేధ (AI) మానవ జీవితంలో కీలక పాత్ర పోషిస్తుంది. కేవలం సలహాలు ఇవ్వడమే కాకుండా, ప్రభుత్వ యంత్రాంగాల్లో కీలక నిర్ణయాలు తీసుకునే స్థాయికి AI ఎదుగుతుందని ఈ అంచనాలు చెబుతున్నాయి.