దక్షిణాది సినీ ఇండస్ట్రీలో టాప్ హీరోయిన్గా కొనసాగుతున్న త్రిష, ప్రస్తుతం తాను నిద్రలేమి (Insomnia) సమస్యతో ఇబ్బంది పడుతున్నట్లు తన ఇన్స్టాగ్రామ్ ఖాతాలో పంచుకున్న పోస్ట్ ఇప్పుడు ఇంటర్నెట్లో వైరల్గా మారింది.
సాధారణంగా షూటింగ్లు, ప్రయాణాల కారణంగా నటీనటులకు నిద్ర సరిపోకపోవడం సహజమే. అయితే త్రిష లెక్కగట్టిన ఆ ‘వింత లెక్క’ అభిమానులను ఆందోళనకు గురిచేస్తోంది. ఆమె తన పోస్ట్లో ఇలా పేర్కొంది: “మనం ఒక గంట నిద్రను కోల్పోతే, దానిని భర్తీ చేయడానికి సుమారు 4 రోజుల సమయం పడుతుంది.”
“ఆ లెక్క ప్రకారం చూస్తే, నేను కోల్పోయిన నిద్రను భర్తీ చేసుకుని, మళ్ళీ మామూలు స్థితికి చేరుకోవడానికి 2062వ సంవత్సరం అవుతుంది” అని త్రిష పోస్ట్ చేసింది. అంటే, తాను మళ్ళీ సాధారణ స్థితికి రావడానికి ఇంకా 36 ఏళ్లు పడుతుందని ఆమె వ్యంగ్యంగా, అదే సమయంలో తన అలసటను వ్యక్తపరుస్తూ పేర్కొన్నారు. 40 ఏళ్లు దాటినప్పటికీ నేటికీ స్టార్ హీరోయిన్గా వెలుగుతున్న త్రిష, విశ్రాంతి లేకుండా కష్టపడటం వల్లే ఇలాంటి ఆరోగ్య సమస్యలు ఎదురవుతున్నాయని పలువురు అభిప్రాయపడుతున్నారు.