ఐపీఎల్ 2026లో బంతికి, బ్యాట్కు మధ్య హోరాహోరీ పోరు సాగుతోంది. సోమవారం ఢిల్లీ క్యాపిటల్స్ (DC), రాయల్ ఛాలెంజర్స్ బెంగళూరు (RCB) మధ్య జరిగిన మ్యాచ్లో ఆర్సీబీ బౌలర్లు వీరవిహారం చేశారు. జోష్ హేజిల్వుడ్ 4 వికెట్లతో ‘ప్లేయర్ ఆఫ్ ది మ్యాచ్’గా నిలవగా, భువనేశ్వర్ కుమార్ తన అద్భుత స్పెల్తో పర్పుల్ క్యాప్ను కైవసం చేసుకున్నారు.
భువనేశ్వర్ కుమార్ హవా:
ఢిల్లీతో జరిగిన మ్యాచ్లో భువనేశ్వర్ కుమార్ కేవలం 5 పరుగులు మాత్రమే ఇచ్చి 3 వికెట్లు పడగొట్టారు. ఈ ప్రదర్శనతో ఆయన చెన్నై సూపర్ కింగ్స్ యువ బౌలర్ అన్షుల్ కంబోజ్ను వెనక్కి నెట్టి పర్పుల్ క్యాప్ రేసులో నంబర్-1 స్థానానికి చేరుకున్నారు. భువీ ఇప్పటివరకు 8 మ్యాచ్ల్లో 16.86 సగటుతో 14 వికెట్లు తీశారు.
రెండో స్థానంలో అన్షుల్ కంబోజ్:
చెన్నై సూపర్ కింగ్స్ యువ పేసర్ అన్షుల్ కంబోజ్ రెండో స్థానానికి పడిపోయారు. 24 ఏళ్ల అన్షుల్ ఈ సీజన్లో 8 మ్యాచ్ల్లో 16.93 సగటుతో 14 వికెట్లు పడగొట్టారు. ఢిల్లీ, హైదరాబాద్ జట్లపై 3 వికెట్ల చొప్పున తీసి సత్తా చాటారు.
మూడో స్థానంలో ఎహసాన్ మలింగ:
సన్రైజర్స్ హైదరాబాద్ స్టార్ బౌలర్ ఎహసాన్ మలింగ 14 వికెట్లతో మూడో స్థానంలో ఉన్నారు. ఆయన 18.21 సగటుతో ఈ వికెట్లు సాధించారు. ఢిల్లీపై 4 వికెట్లు తీయడం ఈ సీజన్లో ఆయన అత్యుత్తమ ప్రదర్శన. వికెట్ల సంఖ్య సమానంగా ఉన్నప్పటికీ, మెరుగైన యావరేజ్ కారణంగా భువీ అగ్రస్థానంలో కొనసాగుతున్నారు.
నాలుగో స్థానంలో జోఫ్రా ఆర్చర్:
రాజస్థాన్ రాయల్స్ స్టార్ పేసర్ జోఫ్రా ఆర్చర్ 8 మ్యాచ్ల్లో 13 వికెట్లతో నాలుగో స్థానంలో ఉన్నారు. లక్నోపై 3 వికెట్లు తీసిన ఆర్చర్, మిగిలిన జట్లపై కూడా పొదుపుగా బౌలింగ్ చేస్తూ వికెట్లు తీస్తున్నారు.
ఐదో స్థానంలో ప్రిన్స్ యాదవ్:
లక్నో సూపర్ జెయింట్స్ యువ బౌలర్ ప్రిన్స్ యాదవ్ 13 వికెట్లతో ఐదో స్థానంలో నిలిచారు. ఆర్సీబీపై 3 వికెట్లు తీసిన ఆయన, ఈ సీజన్లో నిలకడగా రాణిస్తూ టాప్-5 జాబితాలో చేరారు.
ఐపీఎల్ 2026లో అత్యధిక వికెట్లు తీసిన బౌలర్ల జాబితా:
| ర్యాంక్ | ఆటగాడు | జట్టు | మ్యాచ్లు | వికెట్లు | సగటు |
| 1 | భువనేశ్వర్ కుమార్ | రాయల్ ఛాలెంజర్స్ బెంగళూరు | 8 | 14 | 16.86 |
| 2 | అన్షుల్ కంబోజ్ | చెన్నై సూపర్ కింగ్స్ | 8 | 14 | 16.93 |
| 3 | ఎహసాన్ మలింగ | సన్రైజర్స్ హైదరాబాద్ | 8 | 14 | 18.21 |
| 4 | జోఫ్రా ఆర్చర్ | రాజస్థాన్ రాయల్స్ | 8 | 13 | 17.92 |
| 5 | ప్రిన్స్ యాదవ్ | లక్నో సూపర్ జెయింట్స్ | 8 | 13 | 18.62 |