విద్య కోసం వేరే ఊరు వెళ్ళిన కొడుకు, 4 నెలల తర్వాత తిరిగి ఇంటికి వచ్చినప్పుడు ఆ తల్లి ఇచ్చిన ‘సర్ ప్రైజ్’ వీడియో సోషల్ మీడియాలో వైరల్ అవుతూ నెటిజన్ల కళ్ళను తడి చేస్తోంది.
ఆ వీడియోలో, తన కొడుకు రాక కోసం ఎంతో ఆశగా ఎదురుచూస్తున్న తల్లి, ఇంటి గుమ్మానికి రంగురంగుల ముగ్గులు వేసి, చేతిలో కాన్ఫెట్టి (రంగు కాగితాలు చిమ్మే) వెపన్‌తో తలుపు వెనుక దాక్కుని ఉంటుంది. తండ్రి కొడుకును తీసుకురాగా, ఏమీ తెలియకుండా ఇంట్లోకి అడుగుపెట్టిన కొడుకును తల్లి ఒక్కసారిగా వచ్చి ఆశ్చర్యపరుస్తుంది. ఆ సర్‌ప్రైజ్‌కు ఆ అబ్బాయి ఒక్కక్షణం నిశ్చేష్టుడైపోతాడు.
చాలా రోజుల తర్వాత అమ్మను చూసిన సంతోషంలో కొడుకు ఆమెను గట్టిగా హత్తుకోగా, ఆ అనుబంధానికి తల్లి ఆనందబాష్పాలు రాల్చుతుంది. ఈ అద్భుత దృశ్యాన్ని చూస్తున్న తండ్రి గర్వంతో చిరునవ్వు చిందిస్తుండగా.. “తల్లిదండ్రుల ప్రేమకు సాటి ఏదీ లేదు” అనే క్యాప్షన్ తో ఉన్న ఈ వీడియో, హాస్టల్స్ లో ఉండి చదువుకునే విద్యార్థులు మరియు ఉద్యోగాల కోసం వేరే ఊళ్లలో ఉండే యువతను ఎంతగానో ఆకట్టుకుంటోంది.