భారత స్మార్ట్‌ఫోన్ మార్కెట్‌లో గత ఆరు నెలల్లో మొబైల్ ఫోన్ల ధరలు భారీగా పెరిగాయనే వార్తలు వినిపిస్తున్నాయి. దీంతో కొత్త ఫోన్ కొనాలని భావిస్తున్న సామాన్య, మధ్యతరగతి వినియోగదారుల బడ్జెట్‌పై ప్రభావం పడుతోంది.
గతంలో సుమారు రూ.10 వేల నుంచి రూ.12 వేల బడ్జెట్‌లో లభించిన ప్రాథమిక 4GB RAM + 64GB స్టోరేజ్ స్మార్ట్‌ఫోన్ల ధరలు ఇప్పుడు రూ.17,999 నుంచి రూ.20,999 వరకు చేరాయని ఈ కథనం పేర్కొంటోంది.
అంతేకాదు.. వన్‌ప్లస్, రెడ్‌మీ, శామ్‌సంగ్ వంటి ప్రముఖ బ్రాండ్లకు చెందిన కొన్ని మొబైల్ మోడళ్ల ధరలు కూడా రూ.3 వేల నుంచి రూ.10 వేల వరకు పెరిగినట్లు చెబుతున్నారు. ముఖ్యంగా బడ్జెట్ ఫోన్లకు పేరుగాంచిన రెడ్‌మీ, రియల్‌మీ వంటి బ్రాండ్లలోనూ కొన్ని మోడళ్ల ధరలు పెరిగినట్లు సమాచారం.
ప్రపంచవ్యాప్తంగా మొబైల్ విడిభాగాల ధరలు పెరగడం, చిప్‌ల సరఫరాలో ఇబ్బందులు, 5G టెక్నాలజీకి మార్పులు, ద్రవ్యోల్బణం వంటి అంశాలు స్మార్ట్‌ఫోన్ ధరల పెరుగుదలకు కారణాలుగా పరిశ్రమలో చర్చ జరుగుతోంది.
దీంతో తక్కువ బడ్జెట్‌లో ఫోన్ కొనాలని భావించే మధ్యతరగతి వినియోగదారులపై అదనపు ఆర్థిక భారం పడుతోంది. కొంతమంది కొత్త ఫోన్ కొనడాన్ని వాయిదా వేసుకుని, ప్రస్తుతం ఉన్న పాత ఫోన్లనే రిపేర్ చేయించుకుని కొనసాగిస్తున్నారని ఈ కథనం చెబుతోంది.
ఒకప్పుడు రూ.10–12 వేల బడ్జెట్‌లో దొరికే ఫోన్ కోసం ఇప్పుడు దాదాపు రూ.20 వేల వరకు ఖర్చు చేయాల్సి వస్తే.. కొత్త ఫోన్ కొనాలనుకునే వారికి నిజంగానే ఇది ఆలోచించాల్సిన విషయమే!