నటి టబు ఇటీవల అగస్త్య నంద నటించిన ‘ఇక్కీస్’ (Ikkis) సినిమా ప్రీమియర్ షోకు హాజరయ్యారు. అక్కడ ఆమె మీడియా ప్రతినిధులకు (పాపరాజీలకు) మొదటిసారి తన ‘కూతురిని’ పరిచయం చేశారు. టబు ఇంకా పెళ్లి చేసుకోలేదు కదా, ఆమెకు కూతురు ఎక్కడి నుండి వచ్చింది అని మీరు ఆశ్చర్యపోవచ్చు.
నిజానికి ఆ ప్రీమియర్ ఈవెంట్‌లో ఫోటోలకు పోజులు ఇస్తున్న సమయంలో టబుకు నటి ఫాతిమా సనా షేక్ ఎదురయ్యారు. ఫాతిమాను చూడగానే టబు ఎంతో ఆప్యాయంగా.. “ఇదిగో, ఈమె నా కూతురు” అని అందరికీ పరిచయం చేశారు.
టబు కూతురు ఫాతిమా ఎలా అయ్యారు?
ఇది వినడానికి వింతగా ఉన్నా, కొంచెం వెనక్కి వెళ్తే అసలు విషయం అర్థమవుతుంది. 1997లో కమల్ హాసన్, టబు నటించిన సూపర్ హిట్ సినిమా ‘చాచీ 420’ (తెలుగులో ‘భామనే సత్యభామనే’). ఈ సినిమాలో టబు కూతురి పాత్రలో నటించిన చిన్నారి మరెవరో కాదు, ఫాతిమా సనా షేక్. ‘ఇక్కీస్’ ప్రీమియర్ ఈవెంట్‌లో ఫాతిమాను చూడగానే పాత జ్ఞాపకాలను గుర్తు చేసుకున్న టబు.. “అరే, ఈమె నా కూతురు, చాచీ 420లో నా కూతురిగా నటించింది” అని దగ్గరకు పిలిచి అందరికీ పరిచయం చేశారు.
ఈ వీడియో సోషల్ మీడియాలో వైరల్ కావడంతో నెటిజన్లు రకరకాలుగా స్పందిస్తున్నారు. “వీరిద్దరిని చూస్తుంటే నిజంగానే తల్లి కూతుళ్ల వైబ్స్ వస్తున్నాయి” అని కొందరు కామెంట్ చేయగా, “ఫాతిమా ఇప్పటికీ చిన్నపిల్లలాగే కనిపిస్తోంది” అని మరికొందరు రాసుకొచ్చారు.
టబు మరియు ఫాతిమా ప్రస్తుత సినిమాలు:
ఫాతిమా సనా షేక్: 2025లో ఫాతిమా మూడు సినిమాలతో ప్రేక్షకుల ముందుకు వచ్చారు. ‘మెట్రో ఇన్ దినో’, నెట్‌ఫ్లిక్స్‌లో విడుదలైన ‘ఆప్ జైసా కోయి’ మరియు మనీష్ మల్హోత్రా నిర్మాణంలో వచ్చిన ‘గుస్తాఖ్ ఇష్క్’ చిత్రాల్లో ఆమె నటించారు.
టబు: టబు 2024లో అజయ్ దేవగన్ సరసన ‘ఔరోన్ మే కహా దమ్ థా’లో కనిపించారు. 2025లో పెద్దగా సినిమాలు లేకపోయినా, 2026లో ఆమె చేతిలో భారీ ప్రాజెక్టులు ఉన్నాయి. అందులో ముఖ్యమైనవి:
- భూత్ బంగ్లా: అక్షయ్ కుమార్ సరసన నటిస్తున్న హారర్ కామెడీ.
- దృశ్యం 3: ఎంతో ఆసక్తిగా ఎదురుచూస్తున్న ఈ సీక్వెల్‌లో టబు కీలక పాత్ర పోషించనున్నారు. (ఈ సినిమా నుండి అక్షయ్ ఖన్నా తప్పుకోవడంతో ప్రస్తుతం వార్తల్లో నిలుస్తోంది).