ఒక మహిళ తన పర్సనల్ ఎక్స్‌పీరియన్స్‌ను ఆన్‌లైన్‌లో షేర్ చేస్తూ.. వజ్రాల అసలు రంగును బయటపెట్టింది. ఆమె 2019లో రూ. 26,000 వెచ్చించి ఒక వజ్రపు ఉంగరాన్ని కొనుగోలు చేసింది. భవిష్యత్తులో దీని విలువ పెరుగుతుందని ఆమె ఆశించింది. కానీ 2025లో ఆమె దానిని అమ్మడానికి వెళ్లినప్పుడు ఊహించని షాక్ తగిలింది.
ఏం జరిగింది? ఆమె నగరంలోని వివిధ నగల దుకాణాలకు వెళ్లినప్పుడు, ఏ ఒక్క వ్యాపారి కూడా ఆ వజ్రానికి విలువ కట్టడానికి సిద్ధపడలేదు. అందరూ ఉంగరంలోని బంగారానికి మాత్రమే ధర ఇస్తామని చెప్పారు. వజ్రం “పనికిరాదు” లేదా “దానికి రీసేల్ వాల్యూ ఉండదు” అని ముఖం చాటేశారు.
చివరకు ఆమె నిరాశతో ఆ ఉంగరం కొన్న దుకాణానికే వెళ్ళింది. అక్కడ ఆమెకు రూ. 65,000 ఇచ్చారు (అంటే రూ. 39,000 లాభం). అయితే, ఇదే మొత్తాన్ని ఆమె బంగారం లేదా ఫిక్స్‌డ్ డిపాజిట్‌లో పెట్టి ఉంటే దీనికంటే ఎక్కువ రిటర్న్స్ వచ్చేవని ఆమె వాపోయింది.