హర్యానాలోని సోనెపట్‌లో 6 నెలల పసిపాపను పిట్‌బుల్ (Pitbull) కుక్క దారుణంగా కరిచి పేగులు తెగేలా దాడి చేసిన ఘటన దేశవ్యాప్తంగా తీవ్ర దిగ్భ్రాంతిని, ఆగ్రహాన్ని కలిగించింది.
తీవ్రంగా గాయపడిన ఆ పసికందు పరిస్థితి విషమంగా ఉండటంతో ఐసీయూ (ICU)లో చేర్పించి ప్రాణాలతో పోరాడుతోంది.
కుక్క పాపపై దారుణంగా దాడి చేస్తూ ప్రాణాలు తీసేలా వ్యవహరిస్తున్నప్పటికీ, దాన్ని వారించాల్సిన యజమాని ఎలాంటి కంగారు లేకుండా చాలా సాధారణంగా నిలబడి ఉన్న దృశ్యం అక్కడి వారిని నిశ్చేష్టులను చేసింది. “కుక్కలను పెంచుకునేవారు వాటిని తమ సొంత పిల్లలగా చూసుకుంటామని చెబుతారు; కానీ ఒక పసిపాప ప్రాణం పోయే స్థితిలో ఉంటే ఎలా ఇంత నిర్లక్ష్యంగా ఉండగలుగుతున్నారు?” అని ఈ సంఘటనను చూసిన ప్రజలు తీవ్ర ఆగ్రహంతో ప్రశ్నిస్తున్నారు.
ఈ ఘటన సోషల్ మీడియాలో కార్చిచ్చులా వ్యాపిస్తుండటంతో, ఎప్పటిలాగే కుక్కల ప్రేమికులు దీనికి ఏదో ఒక సాకు చెప్పి సమర్థించుకుంటారనే ఆగ్రహం ప్రజల్లో వ్యక్తమవుతోంది. “కుక్కకు ఆకలేసి ఉంటుంది లేదా ఏదో ఒకటి దాన్ని రెచ్చగొట్టి ఉంటుంది” అని మూస కారణాలు చెప్పి ఈ దారుణమైన ఘటనను కప్పిపుచ్చలేరని, మానవ ప్రాణాల కంటే ప్రమాదకరమైన కుక్క జాతులకు ప్రాధాన్యం ఇచ్చేవారిపై కఠిన చర్యలు తీసుకోవాలని ప్రజలు మండిపడుతున్నారు.
Leave a Reply