“6 నెలలు వేచి చూసి తీర్చుకున్న పగ! పెట్రోల్ పోస్తుండగానే యువకుడిని నరికి చంపిన ముఠా.. విచారణలో బయటపడ్డ షాకింగ్ విషయాలు!!”

చెంగల్పట్టు జిల్లా సింగపెరుమాళ్ కోవిల్ ప్రాంతంలో ఫాస్ట్ ఫుడ్ సెంటర్ నిర్వహిస్తున్న వీరా అలియాస్ వీరముత్తుకృష్ణన్ (26) అనే వ్యక్తి, నిన్న చెంగల్పట్టు కోర్టులో ఒక కేసు విషయమై హాజరై తన ద్విచక్రవాహనంపై ఇంటికి తిరుగుపయనమయ్యాడు.

చెన్నై-తిరుచ్చి జాతీయ రహదారిలోని చెంగల్పట్టు బైపాస్ పళవేలి ప్రాంతంలో ఉన్న పెట్రోల్ బంక్‌లో అతడు తన వాహనానికి పెట్రోల్ పోయించుకుంటుండగా, 2 ద్విచక్రవాహనాలపై వచ్చిన 6 మంది సాయుధ ముఠా ఒక్కసారిగా అతడిని చుట్టుముట్టింది. కనురెప్ప మూసి తెరిచేలోపే తమ వద్ద దాచి ఉంచిన పదునైన వేటకొడవళ్లతో వీరముత్తుకృష్ణన్‌పై విచక్షణారహితంగా దాడి చేసి నరికి చంపారు. ఈ దాడిలో తల, శరీరంపై తీవ్ర గాయాలై రక్తమడుగులో మునిగిపోయిన అతడు అక్కడికక్కడే దారుణంగా మృతి చెందాడు.

గత 6 నెలల క్రితం ఆకాష్ అనే వ్యక్తిని నరికి చంపి చెరువులో పూడ్చిపెట్టిన కేసులో వీరముత్తుకృష్ణన్ నిందితుడిగా ఉన్నాడు. ఆ హత్యకు పగ తీర్చుకోవడానికే ఈ ఘాతుకానికి పాల్పడినట్లు తెలిసింది. కోర్టు నుంచి అతడిని వెంబడిస్తూ వచ్చిన హంతకులు పెట్రోల్ బంక్‌లో ఈ ఘోరానికి ఒడిగట్టారు. ఈ ఘటనపై చెంగల్పట్టు తాలూకా పోలీసులు కేసు నమోదు చేసి, పరారైన ముఠా కోసం ముమ్మరంగా గాలిస్తున్నారు.