దక్షిణ భారత సినీ రంగంలో అగ్ర నటుడు మెగాస్టార్ చిరంజీవి కుమారుడు రామ్ చరణ్, ప్రముఖ పారిశ్రామికవేత్తల కుటుంబానికి చెందిన ఉపాసనను వివాహం చేసుకున్న సంగతి తెలిసిందే. తాజాగా ఉపాసన ఆస్తి విలువకు సంబంధించిన వార్తలు సోషల్ మీడియాలో వైరల్ అవుతున్నాయి.
ఉపాసన ఎవరు?
రామ్ చరణ్ భార్యగా, ఒక పెద్ద కుటుంబం వారసురాలిగానే కాకుండా, ఉపాసనను ‘భారతదేశపు అత్యుత్తమ మహిళా పారిశ్రామికవేత్త’గా గుర్తించాలి. హెల్త్‌కేర్ రంగంలో కీలక పాత్ర పోషిస్తున్న ఆమె, ‘B-Positive’ అనే హెల్త్ మ్యాగజైన్‌ను నడుపుతున్నారు. మహిళా సాధికారత గురించి నిరంతరం మాట్లాడే ఉపాసన, అపోలో గ్రూప్ నాయకత్వ బాధ్యతల్లో తనదైన ముద్ర వేస్తున్నారు.
77,000 కోట్ల సామ్రాజ్యానికి వారసురాలు!
అపోలో హాస్పిటల్స్ వ్యవస్థాపక చైర్మన్ డాక్టర్ ప్రతాప్ సి. రెడ్డికి ఉపాసన మనవరాలు. అపోలో గ్రూప్ మొత్తం ఆస్తి విలువ సుమారు 77,000 కోట్ల రూపాయలకు పైగానే ఉంటుందని అంచనా. ఈ భారీ సామ్రాజ్యానికి ఆమె ఒక ముఖ్యమైన వారసురాలు.
మెగా కుటుంబం కోడలిగా..
నటుడు రామ్ చరణ్, ఉపాసనల వివాహం 2012లో జరిగింది. వీరిద్దరూ చిన్ననాటి స్నేహితులు. కాలేజీ రోజుల్లో వీరి స్నేహం ప్రేమగా మారి, పెద్దల అంగీకారంతో పెళ్లి చేసుకున్నారు. మెగా కుటుంబం కూడా భారతదేశంలోని సంపన్న సినీ కుటుంబాలలో ఒకటి. కేవలం సినిమాల ద్వారానే కాకుండా, వివిధ వ్యాపార పెట్టుబడుల ద్వారా చిరంజీవి కుటుంబం ఆస్తి సుమారు 1,650 కోట్ల రూపాయలకు పైగా ఉంటుందని సమాచారం. వీరికి సొంతంగా విలాసవంతమైన బంగ్లాలు, ఖరీదైన కార్లు ఉన్నాయి.
సొంత ఆస్తి విలువ:
కుటుంబ ఆస్తులు కాకుండా, ఉపాసనకు వ్యక్తిగతంగా సుమారు 1,130 కోట్ల రూపాయల ఆస్తి ఉన్నట్లు తెలుస్తోంది. ఇటీవల ఆమె ఐఐటి (IIT) హైదరాబాద్‌లోని ఒక కార్యక్రమంలో పాల్గొన్నప్పుడు చేసిన వ్యాఖ్యలు చర్చనీయాంశమయ్యాయి. పెళ్లికి ముందు ఆర్థిక స్వాతంత్ర్యం (Financial Independence) కావాలని కోరుకుంటున్న విద్యార్థినుల ఆలోచనా విధానాన్ని ఆమె ప్రశంసించారు. దీనికి ప్రముఖ పారిశ్రామికవేత్త శ్రీధర్ వెంబూ స్పందిస్తూ.. యువత తమ 20వ ఏటనే పిల్లలను కనాలని సూచించడం అప్పట్లో పెద్ద చర్చకు దారితీసింది.