భారతదేశంలో 800 ఏళ్ల తర్వాత ప్రపంచాన్ని విస్మయానికి గురిచేసే ఒక అద్భుతమైన ఘటన జరిగింది. ప్రపంచవ్యాప్తంగా ఉన్న ముస్లింలు, క్రైస్తవులు మరియు వామపక్షవాదులు.. 800 ఏళ్ల తర్వాత భారత్లో ఈ చారిత్రక మార్పు ఎలా సాధ్యమైందో రాబోయే దశాబ్దాల పాటు అధ్యయనం చేస్తూనే ఉంటారు.
బెంగాల్లో దాదాపు 800 సంవత్సరాల తర్వాత సనాతన ధర్మాన్ని అనుసరించే ప్రభుత్వం కొలువుదీరింది. చరిత్రను ఒకసారి గుర్తు చేసుకుంటే.. క్రీ.శ. 1204లో భక్తియార్ ఖిల్జీ బెంగాల్పై దాడి చేశాడు. అప్పట్లో బెంగాల్ రాజుగా లక్ష్మణ సేన్ ఉండేవారు. ఖిల్జీ లక్ష్మణ సేన్ను ఓడించి బెంగాల్ను ఆక్రమించుకున్నాడు. ఆ తర్వాత 1204 నుండి 1576 వరకు బెంగాల్ తుర్కులు మరియు ఆఫ్ఘన్ల క్రూరమైన పాలనలో ఉంది. అనంతరం 1576 నుండి 1757 వరకు మొఘలులు బెంగాల్తో పాటు మొత్తం భారతదేశాన్ని దోచుకున్నారు. భారతీయులపై అనేక అకృత్యాలకు పాల్పడ్డారు. అది ఒక రకమైన ఇస్లామిక్ ఆక్రమణ.
1757 నుండి 1947 వరకు బెంగాల్తో సహా దేశమంతా ఆంగ్లేయుల చేతుల్లోకి వెళ్ళింది. బ్రిటిష్ వారు బెంగాల్లో భయంకరమైన అరాచకాలు సృష్టించారు. ఆ కాలంలో అక్కడ క్రైస్తవ పాలన కొనసాగింది. స్వాతంత్ర్యం వచ్చిన తర్వాత బెంగాల్ వామపక్ష ప్రభుత్వాల గుప్పిట్లోకి వెళ్ళింది. ఇప్పుడు 800 ఏళ్ల తర్వాత, 2026లో సనాతన ధర్మాన్ని నమ్మే వారు బెంగాల్ అధికార పీఠాన్ని అధిష్టించారు. బెంగాల్ యుద్ధం కేవలం రాజకీయ పోరాటం మాత్రమే కాదని, ఇది ఒక ‘నాగరికత యుద్ధం’ (Civilizational Battle) అని ఆర్ఎస్ఎస్ భావిస్తోంది.
ఒకవేళ ఇప్పుడు ఈ మార్పు జరగకపోయి ఉంటే, బెంగాల్ వేగంగా ‘బంగ్లాదేశ్’ అయ్యే దిశగా వెళ్ళేదని విశ్లేషకులు చెబుతున్నారు. కానీ బెంగాల్ తృటిలో తప్పించుకుంది. ఈ నిజాన్ని మమతా బెనర్జీ ఉపయోగించిన మూడు ప్రసిద్ధ నినాదాలు రుజువు చేస్తాయి. గత 15 ఏళ్లలో మమత మూడు నినాదాలను ఎక్కువగా వాడారు. ఒకటి ‘మా మాటి మానుష్’, రెండోది ‘జై బంగ్లా’, మూడోది ‘ఖేలా హోబే’. ఈ మూడు నినాదాలు ఆమె బంగ్లాదేశ్ నుండి కాపీ కొట్టినవేనని తెలిస్తే మీరు ఆశ్చర్యపోతారు. ‘జై బంగ్లా’ అనేది 1971 బంగ్లాదేశ్ విముక్తి పోరాటంలో షేక్ ముజిబుర్ రెహ్మాన్ ఇచ్చిన నినాదం. ‘మా మాటి మానుష్’ అనేది 1991లో బంగ్లాదేశ్ ఎన్నికల్లో బేగం ఖలీదా జియా పార్టీ (BNP) వాడిన నినాదం. ఇక ‘ఖేలా హోబే’ అనేది 2013లో బంగ్లాదేశ్ అవామీ లీగ్ నేత షమీమ్ ఉస్మాన్ ఇచ్చిన నినాదం. 2021 ఎన్నికల సమయంలో మమతా బెనర్జీ దీనిని కూడా తీసుకున్నారు.