ప్రస్తుతం ప్రతి ఒక్కరి ఫోన్ వేలకొద్దీ ఫోటోలు, వీడియోలతో నిండిపోతోంది. ట్రిప్ జ్ఞాపకాలు, ఫ్యామిలీ ఫంక్షన్స్ ఇలా అన్నీ దాచుకుంటాం. అయితే, ‘Storage Full’ అనే మెసేజ్ రాగానే సమస్య మొదలవుతుంది. ఫోన్ స్లో అయిపోతుంది, కొత్త ఫోటోలు క్లిక్ చేయడం వీలుపడదు. ఇలాంటప్పుడు చాలామంది పాత ఫోటోలు డిలీట్ చేస్తారు లేదా కొత్త ఫోన్ కొనాలని అనుకుంటారు. కానీ గూగుల్ ఫోటోస్లో ఒక చిన్న ట్రిక్ ద్వారా మీ జ్ఞాపకాలను కోల్పోకుండానే స్టోరేజ్ ఖాళీ చేయవచ్చు.
గూగుల్ ఫోటోస్ స్పెషల్ ట్రిక్స్: గూగుల్ ఫోటోస్ కేవలం ఫోటోలు చూసే యాప్ మాత్రమే కాదు, స్టోరేజ్ మేనేజ్ చేయడానికి కూడా ఉపయోగపడుతుంది. ఇందులో రెండు ముఖ్యమైన ఫీచర్లు ఉన్నాయి:
1. స్టోరేజ్ సేవర్ (Storage Saver) మోడ్
గూగుల్ ఫోటోస్లో ‘Backup Quality’ అనే ఆప్షన్ ఉంటుంది. ఇందులో ‘Original Quality’ ఎంచుకుంటే ఫోటోలు పెద్ద సైజులో సేవ్ అయ్యి మీ క్లౌడ్ స్టోరేజ్ త్వరగా నిండిపోతుంది. అదే ‘Storage Saver’ ఎంచుకుంటే, ఫోటో క్వాలిటీ తగ్గకుండానే ఫైల్ సైజ్ తగ్గిస్తుంది.
ఇలా ఆన్ చేయండి:
- స్టెప్ 1: Google Photos యాప్ ఓపెన్ చేయండి.
- స్టెప్ 2: పైన ఉన్న ప్రొఫైల్ ఫోటోపై క్లిక్ చేయండి.
- స్టెప్ 3: ‘Photos Settings’ లోకి వెళ్లండి.
- స్టెప్ 4: ‘Backup’ ఆప్షన్ క్లిక్ చేయండి.
- స్టెప్ 5: ‘Backup Quality’ లో ‘Storage Saver’ ఎంచుకోండి.
2. ఫ్రీ అప్ స్పేస్ (Free up space) ఫీచర్
ఇదే అసలైన ట్రిక్! మీ ఫోటోలు గూగుల్ ఫోటోస్లోకి బ్యాకప్ అయిన తర్వాత, అవే ఫైల్స్ మీ ఫోన్ మెమరీలో కూడా ఉంటాయి. అంటే ఒకే ఫోటో రెండు చోట్ల చోటు ఆక్రమిస్తుంది. ‘Free up space’ క్లిక్ చేస్తే, క్లౌడ్లో సేవ్ అయిన ఫోటోలను ఫోన్ మెమరీ నుండి డిలీట్ చేస్తుంది. మీ ఫోటోలు ఆన్లైన్లో సురక్షితంగా ఉంటాయి, కానీ ఫోన్ మెమరీ ఖాళీ అవుతుంది.
ఇలా ఉపయోగించండి:
- స్టెప్ 1: Google Photos ఓపెన్ చేయండి.
- స్టెప్ 2: ప్రొఫైల్ ఫోటోపై క్లిక్ చేయండి.
- స్టెప్ 3: ఇక్కడ ‘Free up space’ పై క్లిక్ చేయండి.
- స్టెప్ 4: ‘Confirm’ క్లిక్ చేయండి. కేవలం కొన్ని సెకన్లలోనే మీ ఫోన్లో జీబీలకు జీబీ మెమరీ ఖాళీ అవుతుంది.
డూప్లికేట్ ఫోటోల తొలగింపు: అవసరం లేని స్క్రీన్షాట్లు, బ్లర్ ఫోటోలు, డూప్లికేట్ ఫైల్స్ను గూగుల్ ఫోటోస్ గుర్తిస్తుంది. ‘Manage Storage’ సెక్షన్లోకి వెళ్లి వీటిని సులభంగా తొలగించవచ్చు.
Leave a Reply