దుబాయ్‌లో జరుగుతున్న అంతర్జాతీయ విమాన ప్రదర్శన (ఇంటర్నేషనల్ ఏరోస్పేస్ ఎగ్జిబిషన్) సందర్భంగా, భారతదేశపు అమ్ములపొదిలో ఉన్న, బెంగళూరులోని హెచ్‌ఏఎల్ (HAL) నిర్మిత ‘తేజస్’ యుద్ధ విమానం ఆకాశంలో ఎగురుతుండగా కూలిపోయింది.
ప్రేక్షకులు చూస్తుండగానే విమానం ఒక్కసారిగా నేలకూలి, పెద్ద పేలుడుతో పాటు దట్టమైన పొగ అలుముకుంది. ఈ దృశ్యాలు సోషల్ మీడియాలో వైరల్‌గా మారాయి, ప్రజల్లో ఆందోళన కలిగించాయి.
పైలట్‌కు ఏమైందనే విషయం ఇంకా ధృవీకరించబడలేదు. అతను మరణించి ఉండవచ్చనే అనుమానాలు వ్యక్తమవుతున్నాయి. సాంకేతిక లోపమా లేక పైలట్ పొరపాటా అనే విషయాన్ని తెలుసుకోవడానికి నిపుణుల బృందం దర్యాప్తు ప్రారంభించింది.