రిపోర్ట్స్ ప్రకారం, జర్మనీలో స్టట్‌గార్ట్‌కు చెందిన డెమెట్రియస్ సోపోలోస్ మరియు అతని అందగత్తె భార్య ట్రాట్ కొన్ని సంవత్సరాలుగా వివాహ బంధంలో ఉన్నారు. గత కొన్ని నెలలుగా ఈ జంట సంతానం కోసం తీవ్రంగా ప్రయత్నిస్తున్నారు.
పిల్లలను కనే సామర్థ్యం తనకు లేదని తెలియడంతో, తన భార్యను గర్భవతి చేయటానికి భర్త ఒక పొరుగు యువకుడిని నియమించుకున్నాడు! అయితే, ఆరు నెలల్లో 72 సార్లు ప్రయత్నించినా భార్య గర్భం దాల్చలేదు. చివరకు, ఆగ్రహించిన భర్త ఆ పొరుగువానిపై కేసు పెట్టాడు. ఈ విచిత్రమైన సంఘటన జర్మనీలోని స్టట్‌గార్ట్‌లో జరిగింది. ఈ వ్యవహారం దేశవ్యాప్తంగా, సోషల్ మీడియాలో కలకలం సృష్టిస్తోంది.
వార్తా కథనాల ప్రకారం, డెమెట్రియస్ సోపోలోస్ మరియు ఆయన భార్య ట్రాట్ చాలా సంవత్సరాలుగా వివాహం చేసుకున్నారు. ట్రాట్ చాలా అందగత్తె, పలు అందాల పోటీల్లో కూడా పాల్గొంది. పిల్లల కోసం వారు ప్రయత్నిస్తున్నప్పటికీ ఫలితం దక్కలేదు. ఈ క్రమంలోనే, వైద్య పరీక్షల ద్వారా సంతానోత్పత్తి సామర్థ్యం (fertility) తనకు లేదని డెమెట్రియస్ ఇటీవల తెలుసుకున్నాడు.
సంతానం కోసం తీవ్ర ఆరాటపడుతున్న డెమెట్రియస్, వెంటనే పొరుగున ఉన్న ఫ్రాంక్ మౌస్ అనే యువకుడిని సంప్రదించాడు. ట్రాట్‌ను గర్భవతి చేయగలిగితే ఫ్రాంక్‌కు $2,500 డాలర్లు చెల్లిస్తానని ఇద్దరి మధ్య ఒప్పందం కుదిరింది. ఫ్రాంక్ భార్యకు ఈ విషయంలో అభ్యంతరం ఉన్నప్పటికీ, కేవలం డబ్బు కోసమే ట్రాట్‌తో లైంగిక సంబంధం పెట్టుకుంటున్నానని ఫ్రాంక్ ఆమెను ఒప్పించాడు.
మొదట్లో అంతా సజావుగా సాగింది. ప్రతి వారం మూడు సార్లు ఫ్రాంక్ డెమెట్రియస్ ఇంటికి వెళ్లేవాడు, ట్రాట్‌తో సంపర్కం చేసేవాడు. పిల్లల కోసం ఆశగా ఎదురుచూస్తూ డెమెట్రియస్ అంతా మౌనంగా సహించాడు. కానీ నెమ్మదిగా అతని సహనం తగ్గిపోయింది. ఆరు నెలల్లో 72 సార్లు లైంగిక సంపర్కం చేసినా శుభవార్త రాకపోవడంతో అతను తీవ్రంగా కోపోద్రిక్తుడయ్యాడు. ఫ్రాంక్‌కు కూడా వంధ్యత్వ పరీక్షలు చేయాలని డెమెట్రియస్ డిమాండ్ చేశాడు.
ఆ పరీక్ష ఫలితాల తర్వాత ఈ కేసులో నాటకీయ మలుపు వచ్చింది. ఫ్రాంక్ కూడా వంధ్యత్వంతో బాధపడుతున్నట్లు తేలింది. అతను కూడా పిల్లలను కనలేడని స్పష్టమైంది. అంతేకాకుండా, ఫ్రాంక్ భార్య కూడా తమకు ఉన్న ఇద్దరు పిల్లలు ఫ్రాంక్‌కు పుట్టినవారు కాదని అంగీకరించింది. ఈ నిజం బయటకు రావడంతో, ఒప్పందాన్ని ఉల్లంఘించినందుకు గాను డెమెట్రియస్, ఫ్రాంక్‌పై కోర్టులో కేసు పెట్టాడు.
ప్రస్తుతం ఈ కేసు విచారణలో ఉంది. విచారణ సందర్భంగా న్యాయమూర్తి, డెమెట్రియస్ మరియు ఫ్రాంక్ మధ్య కుదిరిన ఒప్పందం యొక్క నైతికత (Ethics)పై ప్రశ్నలు లేవనెత్తారు.