ప్రపంచవ్యాప్తంగా అనేక రకాల వ్యాధులు ఉన్నాయి. కొన్ని సాధారణమైనవి, కొన్ని అరుదైనవి, మరియు కొన్ని నమ్మడానికి కూడా కష్టంగా ఉండేవి. మనం అలసిపోయి రాత్రి నిద్రపోతాము. అయితే ఇది అందరి విషయంలో జరుగుతుంది.
కానీ ప్రపంచంలో సూర్యుడు అస్తమించే వరకు మాత్రమే సాధారణంగా ఉండి, సూర్యుడు అస్తమించగానే వారి శరీరం పూర్తిగా నిష్క్రియంగా (Inactive) మారిపోయే పిల్లలు కూడా ఉన్నారు. ఇలా జరగడం సాధ్యమేనా అని మీరు అనుకోవచ్చు. కానీ ఇది నిజం. పాకిస్తాన్‌లోని బలూచిస్తాన్‌లో నివసిస్తున్న ఇద్దరు అన్నదమ్ముల వ్యథ ఇది. వారి అనారోగ్యాన్ని చూసి వైద్యులు కూడా ఆశ్చర్యపోయారు. భూమిపై ఇలాంటి వ్యాధి మరెవరికీ లేదు. అందుకే వైద్యులు ఈ ఇద్దరు అన్నదమ్ములకు ‘సోలార్ కిడ్స్’ అని పేరు పెట్టారు.
ఏమిటీ విచిత్రమైన వ్యాధి?
బలూచిస్తాన్‌లోని ఒక చిన్న గ్రామంలో నివసించే ఈ ఇద్దరు అన్నదమ్ములు పగటి వెలుతురులో సాధారణ పిల్లల్లాగే ఆడుకుంటారు, చదువుకుంటారు, అల్లరి చేస్తారు. కానీ సూర్యాస్తమయం అవ్వగానే, వారు ఒక్కసారిగా శక్తి అంతమైపోయినట్లుగా నిస్తేజంగా, నిస్సత్తువగా మారి ఒకే చోట పడిపోతారు. వారి కాళ్ళు, చేతులు వదులైపోతాయి. నడవడం, తిరగడం ఆగిపోతుంది. మాట్లాడలేరు. రాత్రి కాగానే వారు ఒక్కసారిగా ఇన్‌యాక్టివ్ అవుతారు. ఎవరో వారి శరీరం యొక్క స్విచ్ ఆఫ్‌ చేసినట్లుగా ఉంటుంది. వారి తల్లిదండ్రులు తమ పిల్లలు రాత్రిపూట అస్సలు కదలలేరని చెబుతారు. ఒకవేళ వారు బయట ఉంటే, వారి కుటుంబ సభ్యులు వారిని ఎత్తుకుని ఇంట్లోకి తీసుకురావాల్సి వస్తుంది!
‘సోలార్ బాయ్’ అని ఎందుకు అంటారు?
ఈ ఇద్దరు అన్నదమ్ములు కేవలం సూర్యుడు ఉన్నప్పుడు మాత్రమే సాధారణ పిల్లల్లాగే ప్రవర్తిస్తారు. సూర్యరశ్మి తగ్గితే వారి శక్తి మాయమవుతుంది. సూర్యుడి నుండే వారికి శక్తి లభిస్తున్నట్లుగా వారి శరీరం ప్రవర్తిస్తుంది. అయితే, ఇది కేవలం కాంతి కారణంగా మాత్రమే కాదని, లోపల ఉన్న ఏదో వ్యాధి ప్రభావం కూడా అయి ఉండవచ్చని వైద్యులు స్పష్టం చేశారు. వారి శరీరాలు పగలు-రాత్రికి ప్రతిస్పందించే ఈ అసాధారణ విధానం కారణంగా వారికి ‘సోలార్ కిడ్స్’ అని పేరు పెట్టారు.
ప్రపంచంలో ఈ వ్యాధితో బాధపడుతున్న ఒకే ఒక్క కుటుంబమా?
వైద్యుల అభిప్రాయం ప్రకారం, ఇలాంటి కేసు ప్రపంచంలో మరెక్కడా లేదు. నిపుణుల ప్రకారం, ఈ వ్యాధి ఏదో జన్యుపరమైన మార్పు (Genetic change) తో ముడిపడి ఉండవచ్చు. శరీరంలో శక్తి ఉత్పత్తి వ్యవస్థలో తీవ్రమైన లోపం కారణంగా నాడీ వ్యవస్థలో (Nervous System) ఈ సమస్య వచ్చి ఉండవచ్చని వైద్యులు భావిస్తున్నారు. అయితే, ఈ వ్యాధికి ఖచ్చితమైన కారణం ఇంకా తెలియరాలేదు. వారి రక్త నమూనాలు, మట్టి మరియు గాలిని పరీక్షించినప్పటికీ, నిర్ధారణ ఇంకా స్పష్టంగా లేదు.
వైద్యులు దీనికి చికిత్సగా డోపమైన్ ఔషధం (Dopamine Medicine) సూచించారు. ఈ ఇద్దరు అన్నదమ్ములకు ఈ మందు ఇచ్చి, రాత్రిపూట కూడా వారిని క్రియాశీలకంగా ఉంచగలిగారు. ఈ మందు ఇచ్చిన తర్వాత వారు రాత్రిపూట స్వయంగా నడవగలిగారు.