ముంబై: మహారాష్ట్రలో పెళ్లి చేసుకోవాలంటే 21 ఏళ్లు వచ్చే వరకు వేచి ఉండమని తల్లిదండ్రులు చెప్పడంతో 19 ఏళ్ల యువకుడు ఆత్మహత్య చేసుకున్నాడు.
ఈ సంఘటన థానే జిల్లాలోని డోంబివ్లి ప్రాంతంలో నవంబర్ 30 న జరిగింది.
జార్ఖండ్‌కు చెందిన ఆ యువకుడు తన స్వగ్రామంలోని ఒక అమ్మాయితో ప్రేమలో ఉన్నాడు మరియు ఆమెను పెళ్లి చేసుకోవాలని అనుకున్నాడు. అయితే, చట్టబద్ధంగా వివాహం చేసుకోవాలంటే 21 ఏళ్లు వచ్చే వరకు వేచి ఉండాలని కుటుంబం అతన్ని కోరింది.
దీంతో అతను తీవ్ర మానసిక ఒత్తిడికి గురయ్యాడు. నవంబర్ 30న ఆ యువకుడు ఇంటి పైకప్పుకు స్కార్ఫ్ (కండువా)తో ఉరి వేసుకుని ఆత్మహత్య చేసుకున్నాడు.
బంధువులు వెంటనే అతన్ని ఆసుపత్రికి తరలించినప్పటికీ, అతను మరణించాడు. ఈ ఘటనపై యాక్సిడెంటల్ డెత్ (ప్రమాదవశాత్తు మరణం) కేసు నమోదు చేసి దర్యాప్తు ప్రారంభించినట్లు పోలీసులు తెలిపారు.