నీటి ఎద్దడి ఉన్న ప్రాంతాల్లో భూగర్భ జలాలు అడుగంటిపోవడంతో, అక్కడ ఏర్పాటు చేసిన మోటార్లు ఇసుకలో కూరుకుపోయినా లేదా పాడైపోయినా వాటిని బాగు చేయడానికి కార్మికులు తమ ప్రాణాలను పణంగా పెడుతున్నారు. అటువంటి గగుర్పొడిచే వీడియో ఒకటి ప్రస్తుతం సోషల్ మీడియాలో వైరల్ అవుతోంది.
వీడియోలో ఏముంది?
ఇన్‌స్టాగ్రామ్‌లో షేర్ చేసిన ఈ వీడియోలో, ఒక సాంకేతిక కార్మికుడు కేవలం తాడు మరియు కొన్ని రక్షణ పరికరాల సహాయంతో చీకటిగా ఉన్న బోరు బావి పైపులోకి దిగుతున్నాడు. అలా మెల్లమెల్లగా సుమారు 1000 అడుగుల లోతుకు వెళ్లడం చూడవచ్చు. చివరగా ఆ లోతులో నీటి ప్రవాహం మధ్య మోటార్ పంప్ ఉండటాన్ని మనం గమనించవచ్చు.
నెటిజన్ల స్పందన
సుమారు ఒకటిన్నర కోటికి పైగా వ్యూస్ సాధించిన ఈ వీడియో చూసి నెటిజన్లు షాక్ అవుతున్నారు. అంత లోతులో ఆక్సిజన్ కొరత ఉన్నప్పటికీ, ఆ కార్మికుడు చూపిన ధైర్యాన్ని కొందరు ప్రశంసిస్తుంటే.. మరికొందరు ఇటువంటి ప్రమాదకరమైన పనులు చేసే వారి భద్రతపై ఆందోళన వ్యక్తం చేస్తున్నారు. తగినంత ఆక్సిజన్ మరియు ఆధునిక పరికరాలు లేకుండా ఇంత లోతుకు దిగడం ప్రాణాపాయమని హెచ్చరిస్తున్నారు.