వైరల్ వీడియో: ఇంటర్నెట్‌లో తెగ హల్‌చల్ చేస్తున్న ఒక వీడియోలో, ఒక పిల్లి తన నోటితో పావురాన్ని పట్టుకుని రోడ్డుపై దర్జాగా నడుచుకుంటూ వెళ్తుండటం చూడవచ్చు. అయితే, అకస్మాత్తుగా కారు హారన్ మోగడంతో ఆ పిల్లి ఒక్కసారిగా ఉలిక్కిపడి దూరంగా గెంతింది.
దీంతో పిల్లి నోటి నుండి వేట (పావురం) జారిపోయింది. ఆ అవకాశాన్ని ఉపయోగించుకున్న పావురం అక్కడి నుండి రివ్వున ఎగిరిపోయింది.
కారు డ్రైవర్‌పై పిల్లి ఆగ్రహం.. నోటి వరకు వచ్చిన ఆహారం చేజారిపోవడంతో పిల్లికి విపరీతమైన కోపం వచ్చింది. అది కారు డ్రైవర్‌పై దాడి చేయడానికి గాలిలో గెంతుతూ ముందుకు దూకింది. కానీ కారు అద్దం మూసి ఉండటంతో డ్రైవర్‌కు ఏమీ కాలేదు. ఆ తర్వాత ఆ పిల్లి తన భయంకరమైన హావభావాలతో, అరుస్తూ కారు డ్రైవర్‌ను భయపెట్టడానికి ప్రయత్నించింది.
పిల్లికి సారీ చెప్పిన కారు డ్రైవర్ పిల్లి కోపాన్ని చూసి కారు డ్రైవర్ మొదట నవ్వుకున్నాడు, ఆ తర్వాత దానిని చూసి ‘సారీ’ అని చెప్పాడు. ఈ మొత్తం సంఘటనను కారు లోపలి నుండి వీడియో తీశారు.
సోషల్ మీడియాలో నెటిజన్ల కామెంట్స్ ఈ పిల్లి కోపానికి సంబంధించిన వీడియో సోషల్ మీడియాలో నెటిజన్లను బాగా ఆకట్టుకుంటోంది. దీనిపై నెటిజన్లు రకరకాలుగా కామెంట్స్ చేస్తున్నారు. ఈ వీడియోను ‘@Shreya_Tonk’ అనే యూజర్ తన ‘X’ (గతంలో ట్విట్టర్) ఖాతాలో షేర్ చేశారు. ఇప్పటివరకు ఈ వీడియోను 1,07,000 మందికి పైగా వీక్షించారు. వేల సంఖ్యలో లైకులు, షేర్లు వస్తున్నాయి. ఈ వీడియోను పోస్ట్ చేస్తూ.. “మంచి చేసే రోజులు కావివి” అని క్యాప్షన్ ఇచ్చారు. దీనిపై స్పందించిన ఒక నెటిజన్.. “మీరు చేసిన సహాయం వల్ల పిల్లికి కోపం వచ్చింది, ఎందుకంటే దాని నోటి కాడ కూడును మీరు లాగేసుకున్నారు” అని కామెంట్ చేశారు. మరొకరు.. “దీనికి బాధపడాలో లేక సంతోషపడాలో తెలియదు కానీ, నవ్వు మాత్రం బాగా వస్తోంది” అని రాశారు.