ప్రపంచ దేశాల్లో జపాన్ తన పరిశుభ్రతకు ఎంతో పేరుగాంచింది. అక్కడ రైళ్లు, పార్కులు, వీధులు వంటి బహిరంగ ప్రదేశాలు అత్యంత శుభ్రంగా ఉంటాయి. దీనికి భిన్నంగా, రోడ్లపై చెత్తాచెదారం మరియు అపరిశుభ్రత కారణంగా భారతదేశం తరచూ విమర్శలను ఎదుర్కొంటూనే ఉంటుంది.
తాజాగా, కోల్‌కతాలో వీధి ఆహారం (Egg Toast) విక్రయించే ఒక వృద్ధుడికి సంబంధించిన వీడియో ఇప్పుడు ఇంటర్నెట్‌లో చర్చనీయాంశంగా మారింది. జపాన్‌కు చెందిన ఒక సోషల్ మీడియా క్రియేటర్ తన ఎక్స్ (X) ఖాతాలో ఈ వీడియోను షేర్ చేస్తూ..
“ఈ అపరిశుభ్రతను మీ కడుపు భరించగలదా? కోల్‌కతా వీధిలో ఒక వృద్ధుడు ఎగ్ టోస్ట్ తయారు చేస్తున్నాడు. ఒక జపనీయుడిగా దీనిని నేను అస్సలు అంగీకరించలేను” అని రాసుకొచ్చాడు.
వీడియోలో ఏముంది? ఆ వీడియోలో ఒక వృద్ధుడు సంప్రదాయ ‘చుల్హా’ (మట్టి పొయ్యి) పై టోస్ట్ తయారు చేస్తున్నాడు. చేతికి ఎటువంటి గ్లోవ్స్ లేకుండానే గుడ్లను పగులగొట్టి ఆమ్లెట్ వేయడం, చేతి విసనకర్రతో పొయ్యిని ఊదడం వంటి దృశ్యాలు ఉన్నాయి. ఆహారం తయారు చేసే ప్రాంతం మరియు పరిసరాలు అంత శుభ్రంగా లేకపోవడాన్ని ఆ క్రియేటర్ ఎత్తిచూపాడు.
నెటిజన్ల భిన్నాభిప్రాయాలు: రెండు మిలియన్లకు పైగా వ్యూస్ సాధించిన ఈ వీడియో నెటిజన్ల మధ్య పెద్ద యుద్ధానికే దారితీసింది.
- కష్టానికి ప్రాధాన్యత: “ఆ ఆహారం చూడటానికి అంత శుభ్రంగా లేకపోవచ్చు, కానీ ఆ వయసులో ఆయన పడుతున్న కష్టాన్ని చూసి నేను కచ్చితంగా అక్కడ తింటాను. నాకు గట్టి పిండం (Strong stomach) ఉంది” అని ఒక యూజర్ కామెంట్ చేశారు.
- వ్యాధి నిరోధక శక్తి: “భారతీయులకు సహజంగానే రోగనిరోధక శక్తి (Immunity) ఎక్కువ. ఇలాంటి ఆహారం తిన్నా మాకు ఏమీ కాదు, లేదంటే మేము విటమిన్ మాత్రలపైనే బతకాల్సి వచ్చేది” అని మరొకరు సరదాగా వ్యాఖ్యానించారు.
- విమర్శలు: కొందరు మాత్రం ఆహార భద్రత మరియు పరిశుభ్రత అనేది కనీస అవసరమని, దీనిని సమర్థించడం కరెక్ట్ కాదని అభిప్రాయపడ్డారు.