కేవలం డేటింగ్‌కు వెళ్లినందుకు లేదా పెళ్లి చేసుకున్నందుకు ఎవరో లక్షల రూపాయలు ఇస్తారని ఊహించండి. ఇది కల కాదు, దక్షిణ కొరియాలో జరుగుతున్న వాస్తవం. దేశ అభివృద్ధి కోసం పగలు రాత్రి కష్టపడుతున్న అక్కడి ప్రజలు తమ వ్యక్తిగత జీవితాలను, సంబంధాలను పూర్తిగా మర్చిపోయారు. దీనివల్ల దేశంలో జనాభా పెరుగుదల రేటు (Birth Rate) ప్రపంచంలోనే అత్యంత కనిష్ట స్థాయికి పడిపోయింది. ఈ సమస్యను పరిష్కరించడానికి ప్రభుత్వం ఇప్పుడు డబ్బుల వర్షం కురిపిస్తోంది.
ప్రభుత్వం అందిస్తున్న ఆఫర్లు ఇవే:
- డేటింగ్ ఖర్చులు ఫ్రీ: ఒక అబ్బాయి, అమ్మాయి డేటింగ్‌కు వెళ్లాలని నిర్ణయించుకుంటే, ప్రభుత్వం వారికి 350 డాలర్లు (సుమారు రూ. 31 వేలు) ఇస్తుంది. ఈ డబ్బుతో వారు రెస్టారెంట్‌లో భోజనం చేయవచ్చు లేదా సినిమాకు వెళ్లవచ్చు. ఒకవేళ ఆ సమయంలో ఇరు పక్షాల తల్లిదండ్రులు కూడా కలుసుకుంటే, ఆ ఖర్చును కూడా ప్రభుత్వమే భరిస్తుంది.
- పెళ్లికి భారీ సాయం: ఒక జంట పెళ్లి చేసుకుంటే వారికి ప్రభుత్వం సుమారు 25 లక్షల రూపాయల వరకు ఆర్థిక సాయం అందిస్తుంది.
- పిల్లల పెంపకం: పెళ్లి తర్వాత పిల్లలు పుడితే, వారి పెంపకానికి అయ్యే ఖర్చులను కూడా ప్రభుత్వం వివిధ పథకాల ద్వారా భరిస్తుంది.
ఎందుకు ఈ పరిస్థితి వచ్చింది? దక్షిణ కొరియాలో జీవన వ్యయం (Cost of Living) విపరీతంగా పెరిగిపోయింది. యువత తమ కెరీర్ మీద ఉన్న ధ్యాసలో పెళ్లి, పిల్లలు అంటే ఆర్థిక భారంగా భావిస్తున్నారు. అందుకే ప్రభుత్వం డబ్బును ప్రోత్సాహకంగా ఇచ్చి వారిని సంబంధాల వైపు మళ్లించే ప్రయత్నం చేస్తోంది.