ఎవరైనా మీ మొబైల్ నంబర్‌ను దొంగిలించి, మీ బ్యాంక్ ఖాతాను ఖాళీ చేస్తారని మీకు ఎప్పుడైనా అనిపించిందా? ‘సిమ్ స్వాప్’ (SIM-swap) లేదా డూప్లికేట్ సిమ్ ఫ్రాడ్ ద్వారా మోసగాళ్లు మీ నంబర్‌ను తమ అధీనంలోకి తెచ్చుకుని, మీ ఫోన్‌కు వచ్చే OTPలన్నింటినీ పొందే అవకాశం ఉంది. దీని ద్వారా వారు మీ UPI, ఈమెయిల్ మరియు సోషల్ మీడియా ఖాతాలను సులభంగా హ్యాక్ చేయగలరు.
దీనికి అడ్డుకట్ట వేసే ఏకైక మార్గం మీ సిమ్ కార్డుకు ‘సిమ్ పిన్’ (SIM PIN) లాక్ సెట్ చేసుకోవడం. దీనివల్ల మీ అనుమతి లేకుండా ఎవరూ మీ నంబర్‌ను పోర్ట్ చేయలేరు లేదా డూప్లికేట్ సిమ్ తీసుకోలేరు.
సిమ్ కార్డును లాక్ చేయడం ఎలా? (స్టెప్-బై-స్టెప్ ప్రాసెస్):
స్టెప్ 1: డిఫాల్ట్ సిమ్ పిన్ తెలుసుకోండి ప్రక్రియ ప్రారంభించే ముందు మీ నెట్‌వర్క్ ఆపరేటర్ (Airtel, Jio, Vi మొదలైనవి) ఇచ్చే డిఫాల్ట్ సిమ్ పిన్ తెలుసుకోండి. సాధారణంగా ఇది 0000 లేదా 1234 ఉంటుంది. తప్పు పిన్ ఎంటర్ చేస్తే సిమ్ బ్లాక్ అయ్యే అవకాశం ఉంది, కాబట్టి జాగ్రత్తగా ఉండండి.
స్టెప్ 2: సెట్టింగ్స్‌లోకి వెళ్లండి
- Android ఫోన్లలో: సెట్టింగ్స్ (Settings) > సెక్యూరిటీ & ప్రైవసీ (Security & Privacy) > సిమ్ లాక్ (SIM Lock) ఆప్షన్‌ను ఎంచుకోండి.
- iPhoneలలో: సెట్టింగ్స్ (Settings) > మొబైల్ డేటా (Mobile Data) > సిమ్ పిన్ (SIM PIN) పై క్లిక్ చేయండి.
స్టెప్ 3: సిమ్ పిన్ ఆన్ చేయండి ‘Lock SIM Card’ ఆప్షన్‌ను ఆన్ చేయండి. ముందుగా పాత (డిఫాల్ట్) పిన్ అడుగుతుంది, అది ఎంటర్ చేసిన తర్వాత మీకు నచ్చిన కొత్త 4 అంకెల పిన్ సెట్ చేసుకోండి. ఇతరులు ఊహించలేని విధంగా ఈ పిన్ ఉండాలి.
స్టెప్ 4: ఫోన్ రీస్టార్ట్ చేసి చెక్ చేయండి పిన్ సెట్ చేసిన తర్వాత ఫోన్‌ను ఒక్కసారి రీస్టార్ట్ చేయండి. నెట్‌వర్క్ సిగ్నల్ రావడానికి ముందే ఫోన్ మిమ్మల్ని సిమ్ పిన్ అడుగుతుంది. అక్కడ మీరు సెట్ చేసిన పిన్ ఇస్తేనే సిమ్ పనిచేస్తుంది.
సిమ్ పిన్ సెట్ చేయడం వల్ల లాభం ఏమిటి?
మీరు ఒకసారి సిమ్ పిన్ సెట్ చేసిన తర్వాత, మీ ఫోన్‌ను రీస్టార్ట్ చేసినా లేదా మీ సిమ్‌ను తీసి వేరే ఫోన్‌లో వేసినా.. ఖచ్చితంగా ఆ పిన్ అడుగుతుంది. దీనివల్ల మీ సిమ్ కార్డు దొంగిలించబడినా లేదా సిమ్ స్వాపింగ్ ప్రయత్నాలు జరిగినా, పిన్ లేకుండా హ్యాకర్లు మీ నంబర్‌ను వాడలేరు. తద్వారా మీ బ్యాంక్ ఖాతా సురక్షితంగా ఉంటుంది.
గమనిక: ఒకవేళ మీరు సిమ్ పిన్‌ను వరుసగా మూడు సార్లు తప్పుగా ఎంటర్ చేస్తే, సిమ్ లాక్ అయిపోతుంది. అప్పుడు దానిని అన్‌లాక్ చేయడానికి PUK కోడ్ అవసరమవుతుంది. ఇది మీ సిమ్ కార్డ్ ప్యాకెట్ మీద ఉంటుంది లేదా కస్టమర్ కేర్‌కు ఫోన్ చేసి తెలుసుకోవచ్చు.