మాస్కో: మాస్కో మరియు సెయింట్ పీటర్స్‌బర్గ్ మధ్య ఉన్న వ్లాదిమిర్ పుతిన్ నివాసాన్ని లక్ష్యంగా చేసుకుని ఉక్రెయిన్ డ్రోన్లతో దాడి చేసిందని రష్యా సోమవారం ఆరోపించింది. ఈ “ఉగ్రవాద దాడి” నేపథ్యంలో, ఉక్రెయిన్ యుద్ధాన్ని ముగించే విషయంలో తన చర్చల వైఖరిని “పునఃసమీక్షిస్తామని” రష్యా ప్రకటించింది.
రష్యా విదేశాంగ మంత్రి సెర్గీ లావ్రోవ్ ఒక ప్రకటనలో మాట్లాడుతూ.. ఆదివారం రాత్రి నుండి సోమవారం వరకు నొవ్‌గోరోడ్ (Novgorod) ప్రాంతంలోని పుతిన్ “అధికారిక నివాసం”పై ఉక్రెయిన్ 91 డ్రోన్లను ప్రయోగించిందని, వాటన్నింటినీ తమ వైమానిక రక్షణ దళాలు (Air Defense Forces) కూల్చివేసాయాని తెలిపారు.
అయితే, ఉక్రెయిన్ అధ్యక్షుడు వోలోడిమిర్ జెలెన్‌స్కీ ఈ ఆరోపణలను తోసిపుచ్చారు. “పుతిన్ నివాసంపై దాడి జరిగిందనేది పూర్తిగా కల్పిత కథ. కైవ్ సహా ఉక్రెయిన్‌పై రష్యా మరిన్ని దాడులు చేయడానికి మరియు శాంతి చర్చల నుండి తప్పుకోవడానికి సాకులు వెతుకుతోంది” అని ఆయన స్పష్టం చేశారు.