ప్రస్తుత కాలంలో చాలా ఇళ్లలో ఎదురయ్యే అతిపెద్ద సమస్య ఎలుకల బెడద. ముఖ్యంగా వంటగది, అల్మారాలు, ఎలక్ట్రానిక్ వస్తువులు ఉండే చోట ఇవి నివాసం ఉంటూ ఆహార పదార్థాలను నాశనం చేయడమే కాకుండా, వ్యాధులను కూడా వ్యాప్తి చేస్తున్నాయి.
ఆరోగ్యానికి మరియు ఆస్తికి ముప్పు:
వైద్య నిపుణుల అభిప్రాయం ప్రకారం, ఎలుకల ద్వారా లెప్టోస్పైరోసిస్, హంటా వైరస్, సాల్మొనెల్లా, ప్లేగు వంటి ప్రమాదకరమైన వ్యాధులు వ్యాపించే అవకాశం ఉంది. ముఖ్యంగా చిన్న పిల్లలు మరియు వృద్ధులకు వీటి వల్ల ఇన్ఫెక్షన్లు వచ్చే ముప్పు ఎక్కువ. అంతేకాకుండా, ఎలుకలు కారు వైర్లు, ఇంటి విద్యుత్ తీగలు మరియు ఎలక్ట్రానిక్ వస్తువులను కొరకడం వల్ల భారీ ఆస్తి నష్టంతో పాటు, షార్ట్ సర్క్యూట్ వల్ల అగ్ని ప్రమాదాలు జరిగే అవకాశం కూడా ఉంది.
రసాయన మందుల వల్ల ప్రమాదాలు:
చాలా మంది ఎలుకలను చంపడానికి మార్కెట్లో దొరికే విషపూరితమైన మందులు లేదా గ్లూ ప్యాడ్స్ వాడుతుంటారు. ఇవి ఇంట్లోని పెంపుడు జంతువులకు లేదా చిన్న పిల్లలకు చాలా ప్రమాదకరం. పొరపాటున వారు వీటిని తాకినా లేదా తిన్నా ప్రాణాపాయం సంభవించవచ్చు. అందుకే ప్రకృతి సిద్ధమైన మార్గాల ద్వారా వీటిని తరిమికొట్టడం ఉత్తమం.
ఎలుకలను తరిమికొట్టే చిట్కా:
కేవలం ఇంట్లో ఉండే వెల్లుల్లి మరియు డెట్టాల్‌తో ఎలుకలను సులభంగా తరిమికొట్టవచ్చు.
- తయారీ విధానం: ముందుగా 4 వెల్లుల్లి రెబ్బలను తీసుకుని మెత్తగా దంచాలి లేదా పేస్ట్‌లా చేయాలి.
- మిశ్రమం: ఈ వెల్లుల్లి పేస్ట్‌లో కొద్దిగా నీరు, చిటికెడు ఉప్పు మరియు కొన్ని చుక్కల డెట్టాల్ (Dettol) వేసి బాగా కలపాలి.
- ప్రయోగం: ఈ మిశ్రమాన్ని ఒక స్ప్రే బాటిల్‌లో పోసి ఎలుకలు తిరిగే మూలలు, వంటగది అడుగు భాగం, గోడల పగుళ్ల వద్ద చల్లాలి. కార్లలో అయితే వైర్లు ఉండే భాగం వద్ద స్ప్రే చేయడం వల్ల మంచి ఫలితం ఉంటుంది.
ఎందుకు పనిచేస్తుంది? వెల్లుల్లికి ఉండే ఘటైన వాసన మరియు డెట్టాల్‌లోని తీక్షణత ఎలుకలకు అసహ్యం కలిగిస్తాయి. ఈ వాసన తగిలిన చోటుకి ఎలుకలు మళ్లీ రావు. ఈ పద్ధతిని కొన్ని రోజుల పాటు వరుసగా పాటిస్తే ఎలుకలే కాదు, బల్లులు కూడా మీ ఇంటి ఛాయలకు రావు. ఇది సురక్షితమైనది, తక్కువ ఖర్చుతో కూడుకున్నది మరియు పర్యావరణానికి ఎటువంటి హాని చేయదు.