పాకిస్థాన్‌లో పులిని పెంచుకుంటున్న ఒక సోషల్ మీడియా సెలబ్రిటీ ఇంట్లో, ఒక పులి చిన్నారిని రక్షించినట్లుగా వైరల్ అవుతున్న వీడియో ప్రస్తుతం ఇంటర్నెట్‌లో పెద్ద చర్చకు దారితీసింది.
గత జనవరి 1వ తేదీన షేర్ చేయబడిన ఈ వీడియోలో.. పులి ఉన్న బోనులోకి ప్రమాదవశాత్తు పడిపోయిన ఒక బాలుడిని, ఆ పులి తన పళ్లతో మెల్లగా కవ్వి పట్టుకుని, బయట ఉన్న వారికి అప్పగించిన హృదయ విదారక దృశ్యాలు ఉన్నాయి.
దీన్ని చూసిన లక్షలాది మంది నెటిజన్లు ఆ పులికి ఉన్న ‘మానవత్వాన్ని’ మెచ్చుకుంటూ కామెంట్స్ చేస్తున్నారు. అయితే, ఈ వీడియో వెనుక ఉన్న అసలు నిజం తెలిస్తే మీరు ఆశ్చర్యపోతారు. ఇది నిజంగా జరిగిన ప్రమాదం కాదు! పాకిస్థాన్‌కు చెందిన నుమాన్ హాసన్ అనే సోషల్ మీడియా సెలబ్రిటీ, తన పెంపుడు పులి మరియు తన బంధువుల అబ్బాయితో కలిసి ప్లాన్ చేసి చిత్రీకరించిన ఒక ‘స్క్రిప్టెడ్’ (ముందుగా ప్లాన్ చేసిన) వీడియో అని తేలింది.
అత్యంత ప్రమాదకరమైన పరిస్థితుల్లో కూడా పులి ఎంతో ప్రేమగా ప్రవర్తిస్తుంది అనే ఒక భ్రమను కల్పించడానికి ఇటువంటి నాటకీయ వీడియోలను రూపొందిస్తున్నారని విశ్లేషకులు అభిప్రాయపడుతున్నారు.