చైనాలోని గ్వాంగ్‌డాంగ్ ప్రావిన్స్‌కు చెందిన 48 ఏళ్ల జాంగ్, గత 30 ఏళ్లుగా గ్లాస్ ఫ్యాక్టరీలో పనిచేస్తున్నారు. 1000 డిగ్రీల సెల్సియస్ కంటే ఎక్కువ ఉష్ణోగ్రత వద్ద కరిగిన గాజును సరైన ఆకృతిలోకి తీసుకురావడానికి, 1.5 మీటర్ల పొడవున్న పైపు ద్వారా తన నోటితో గాలి ఊదడమే ఇతని పని.
ముఖం అలా ఎందుకు మారింది?
చాలా ఏళ్లుగా నిరంతరం నోటితో గాలిని బలంగా ఊదడం వల్ల అతని ముఖ కండరాలు బాగా వదులుగా మారిపోయాయి. దీనివల్ల ఇప్పుడు ఆయన కొంచెం గాలి ఊదినా, ముఖం ‘కప్ప’ లాగా లేదా బెలూన్ లాగా ఉబ్బిపోతుంది.
యంత్రాల కంటే మేటి:
చైనా సంప్రదాయ కళలలో ఒకటైన ఈ ‘గ్లాస్ బ్లోయింగ్’ (గాజు ఊదడం) కళలో జాంగ్ ఆరితేరిన కళాకారుడు. యంత్రాలు నిమిషానికి 45 కప్పులను తయారు చేయగలిగినప్పటికీ, మనుషులు చేత్తో ఊది చేసే గాజు వస్తువులు చాలా పల్చగా, నాణ్యంగా మరియు కళాత్మకంగా ఉంటాయట.
‘కప్ప యువరాజు’ (Frog Prince):
తన వృత్తిపై ఉన్న మక్కువతో జాంగ్ తన ముఖంలో వచ్చిన మార్పు గురించి పెద్దగా చింతించడం లేదు. అక్కడ నివసించే ప్రజలు ఆయన్ని ప్రేమగా ‘పెద్ద నోరున్న అన్న’ అని, ‘ఫ్రాగ్ ప్రిన్స్’ (Frog Prince) అని పిలుచుకుంటారు. కష్టపడి పని చేయడం వల్ల ఒక మనిషి గుర్తింపే మారిపోయిన ఈ వీడియో ఇప్పుడు ఇంటర్నెట్‌లో వైరల్‌గా మారింది.