బృందావనంలోని కేషీఘాట్ ప్రాంతానికి చెందిన ఒక యువకుడు, తీర్థయాత్రలకు వచ్చే యువతులతో స్నేహం చేసి, వారిని లోబరుచుకుని అశ్లీల వీడియోలు తీసినట్లు వెలుగులోకి వచ్చింది.
అసలేం జరిగింది?
- వీడియోల లీక్: గత రెండు రోజులుగా సోషల్ మీడియాలో దాదాపు డజనుకు పైగా అశ్లీల వీడియోలు వైరల్ అవుతున్నాయి. ఈ వీడియోల్లో నిందితుడు వివిధ యువతులతో అసభ్యకరంగా ఉన్న దృశ్యాలు ఉన్నాయి.
- మాయ మాటలతో వంచన: బాధితుల్లో ఒక యువతిని విచారించగా.. తనకు నిందితుడు బాంకే బిహారీ ఆలయంలో పరిచయమయ్యాడని, ఆ తర్వాత ప్రేమ పేరుతో శారీరక సంబంధం పెట్టుకుని రహస్యంగా వీడియోలు తీశాడని వెల్లడించింది. బాధితుల్లో ఎక్కువమంది బయటి ప్రాంతాల నుండి దర్శనం కోసం వచ్చిన భక్తురాళ్లేనని తెలుస్తోంది.
- డ్రామా ఆడిన నిందితుడు: తన బండారం బయటపడుతుందనే భయంతోనో ఏమో కానీ, సదరు యువకుడు జనవరి 7న తన మొబైల్ ఫోన్ పోయిందని పోలీసులకు ఫిర్యాదు చేశాడు. అయితే ఆ తర్వాతే ఈ వీడియోలన్నీ ఇంటర్నెట్‌లో ప్రత్యక్షమయ్యాయి.
బ్లాక్‌మెయిలింగ్ మరియు గ్యాంగ్ అనుమానాలు:
- డబ్బుల కోసం వేధింపులు: వైరల్ అవుతున్న ఒక వీడియోలో.. ఎవరో ఒక వ్యక్తి ఆ వీడియోలను డిలీట్ చేయడానికి డబ్బులు డిమాండ్ చేస్తున్నట్లు వినిపిస్తోంది. అయితే ఆ వ్యక్తి ముఖం కనిపించడం లేదు.
- పెద్ద ముఠా హస్తం?: ఈ వ్యవహారం వెనుక ఏదైనా పెద్ద ముఠా ఉందా? లేదా ఈ అశ్లీల వీడియోలను డార్క్ వెబ్‌లో విక్రయిస్తున్నారా? అనే కోణంలో పోలీసులు దర్యాప్తు చేస్తున్నారు.
- నిందితుడు పరారీ: పోలీసుల విచారణలో నిందితుడి మొబైల్ లొకేషన్ చండీగఢ్‌లో ఉన్నట్లు తేలింది. ప్రస్తుతం నిందితుడు తన నివాసం నుండి పరారయ్యాడు.