బీహార్‌లోని బాంకా జిల్లాలో వయస్సుతో సంబంధం లేకుండా సామాజిక నిబంధనలను ధిక్కరించిన ఒక వింత ప్రేమకథ చర్చనీయాంశమైంది. అరా జిల్లాకు చెందిన 35 ఏళ్ల వ్యక్తితో బాంకాకు చెందిన 60 ఏళ్ల వృద్ధురాలు ప్రేమలో పడింది.
బస్టాండ్‌లో రచ్చ: జనవరి 11, ఆదివారం నాడు అమర్‌పూర్ బస్టాండ్ వద్ద ఈ జంటను మహిళ భర్త మరియు కుమారుడు రెడ్ హ్యాండెడ్‌గా పట్టుకున్నారు. వకీల్ మిశ్రా అనే ఆ వ్యక్తిని మహిళ కుటుంబ సభ్యులు అందరూ చూస్తుండగానే చితకబాదారు. ఈ ఘటనతో బస్టాండ్ వద్ద భారీగా జనం గుమిగూడి గందరగోళం నెలకొంది.
వీడియో వైరల్: సోషల్ మీడియాలో వైరల్ అవుతున్న వీడియోలో ఆ మహిళ ఏడుస్తూ ఆ యువకుడిని హత్తుకుని.. “ఇతను నా భర్త. మేము ఇష్టపూర్వకంగా వివాహం చేసుకున్నాము” అని చెబుతున్నట్లు కనిపిస్తోంది. గొడవ పెద్దది కావడంతో పోలీసులు జోక్యం చేసుకుని ఆ జంటను రక్షణ నిమిత్తం స్టేషన్‌కు తరలించారు.
రాంగ్ నంబర్ కాల్‌తో మొదలు: వీరి పరిచయం సుమారు నాలుగు నెలల క్రితం ఒక ‘రాంగ్ నంబర్’ కాల్‌తో మొదలైంది. ఫోన్ సంభాషణలు కాస్తా ప్రేమగా మారి, వారు భాగల్పూర్ రైల్వే స్టేషన్‌లో మొదటిసారి కలుసుకున్నారు. అక్కడి నుండి లూథియానా వెళ్ళి, అక్కడ పరస్పర అంగీకారంతో వివాహం చేసుకుని భార్యాభర్తలుగా జీవిస్తున్నట్లు ఆ మహిళ పోలీసులకు తెలిపింది.