సోషల్ మీడియాలో 1962 నాటి ఒక పాత ప్రిస్క్రిప్షన్ వైరల్ అవుతోంది, ఇది చూసి నెటిజన్లు ఆశ్చర్యపోతున్నారు. ఒక మహిళ తన ఇంటిని శుభ్రం చేస్తున్నప్పుడు, ఆమె కుటుంబ సభ్యుడి కోసం రాసిన ఈ పాత చిట్కా పత్రం దొరికింది. నేటి ఆధునిక వైద్యంలో జలుబు వంటి చిన్న సమస్యకు కూడా యాంటీబయాటిక్స్, ఖరీదైన సిరప్‌లు వాడుతున్న తరుణంలో, ఈ పాత ప్రిస్క్రిప్షన్ అందరి దృష్టిని ఆకర్షిస్తోంది.
వైరల్ ప్రిస్క్రిప్షన్‌లో ఏముంది?: ఆ కాలంలో వైద్యుడు ఎటువంటి ఖరీదైన మందులు రాయకుండా, కేవలం మూడు లైన్లలో పరిష్కారాన్ని సూచించారు. ఆ ప్రిస్క్రిప్షన్ ప్రకారం.. జలుబు తగ్గడానికి:
- ఒక స్పూన్ విస్కీ (Whiskey)
- ఒక స్పూన్ నిమ్మరసం (Lemon Juice)
- ఒక స్పూన్ తేనె (Honey) ఈ మూడింటిని కలిపి నిర్ణీత సమయాల్లో తీసుకోవాలని సూచించారు. ప్రపంచవ్యాప్తంగా ‘హాట్ టోడీ’ (Hot Toddy) గా పిలవబడే ఈ చిట్కా ఇంటర్నెట్‌లో కేవలం కొద్ది సమయంలోనే 50 లక్షలకు పైగా వ్యూస్ సాధించింది. ఖరీదైన వైద్యం కంటే పాత కాలపు ఈ ఇంటి వైద్యమే మేలని నెటిజన్లు కామెంట్ చేస్తున్నారు.