మెంతి గింజలు ప్రతి వంటింట్లో ఉండే ఒక శక్తివంతమైన మసాలా దినుసు. ముఖ్యంగా శీతాకాలంలో ఇది ఔషధంలా పనిచేస్తుంది. నొప్పులు, వాపులు, బ్లడ్ షుగర్ వంటి సమస్యలను తగ్గించడంలో మెంతి నీరు అద్భుతంగా పనిచేస్తుంది. బరువు తగ్గాలనుకునే వారు కూడా దీనిని ఎక్కువగా ఆశ్రయిస్తారు. అయితే, ఈ ప్రయోజనాలన్నీ కలగాలంటే దీనిని తాగే పద్ధతిని (Pattern) సరిగ్గా పాటించాలి.
తయారు చేసే విధానం: రాత్రి పూట ఒక గ్లాసు నీటిలో ఒక స్పూన్ మెంతి గింజలను నానబెట్టాలి. ఉదయాన్నే ఆ నీటిని వడకట్టి ఖాళీ కడుపుతో తాగాలి. కావాలనుకుంటే నానబెట్టిన మెంతులను నమిలి తినవచ్చు.
ఎన్ని రోజులు తాగాలి? (విరామం నియమాలు):
- డీటాక్స్ కోసం: శరీరాన్ని శుద్ధి చేయడానికి తాగుతుంటే, 15-20 రోజుల పాటు వరుసగా తాగి, ఆ తర్వాత ఒక వారం (7 రోజులు) విరామం ఇవ్వాలి. ఆ తర్వాత మళ్ళీ మొదలుపెట్టవచ్చు.
- బరువు తగ్గడానికి: వరుసగా 45 రోజుల పాటు ఖాళీ కడుపుతో మెంతి నీటిని తాగి, ఆపై 7 రోజులు విరామం ఇవ్వడం తప్పనిసరి. విరామం లేకుండా తాగితే ఆరోగ్య సమస్యలు రావచ్చు.
- షుగర్ వ్యాధి ఉన్నవారు: వైద్యుల సలహా మేరకు 2 నెలల పాటు వాడవచ్చు. కానీ క్రమం తప్పకుండా షుగర్ లెవల్స్ చెక్ చేసుకుంటూ ఉండాలి.
- హార్మోన్ల సమస్యలు ఉన్న మహిళలు: నెలసరి సమస్యలు ఉన్నవారు ఒక నెల పాటు దీనిని క్రమం తప్పకుండా వాడవచ్చు.