రాజస్థాన్: సోషల్ మీడియా యుగంలో మనకు ఎలాంటి దృశ్యాలు కనిపిస్తాయో ఎవరూ ఊహించలేరు. ప్రతిరోజూ ఏదో ఒక వీడియో మనల్ని ఆలోచించేలానో, నవ్వుకునేలానో లేదా ఆశ్చర్యపోయేలానో చేస్తూనే ఉంటుంది.
అలాంటి ఒక వీడియోనే ప్రస్తుతం ఇంటర్నెట్‌లో తెగ వైరల్ అవుతోంది. ఈ వీడియోలో భార్యాభర్తల మధ్య గొడవ స్పష్టంగా కనిపిస్తోంది. సాధారణంగా ఇంట్లోనే జరిగే గొడవలు ఇలా రోడ్డు మీదకు వస్తే అది చర్చనీయాంశంగా మారుతుంది.
అసలేం జరిగింది?
ఇటీవల సోషల్ మీడియాలో షేర్ చేయబడిన ఈ వీడియోలో, కదులుతున్న బైక్‌పై వెనుక కూర్చున్న భార్య తన భర్తను కొడుతూ కనిపిస్తోంది. రోడ్డుపై వెళ్లేవారు ఈ దృశ్యాన్ని చూసి నివ్వెరపోగా, కొందరు తమ ఫోన్ కెమెరాల్లో బంధించారు.
వీడియోలో ఏముంది?
వైరల్ అవుతున్న ఈ వీడియోలో భార్యాభర్తలు బైక్‌పై ఎక్కడికో వెళ్తున్నారు. ఆ సమయంలో ఏదో విషయంలో ఇద్దరి మధ్య వాగ్వాదం జరిగింది. కోపంతో ఊగిపోయిన భార్య, వెనుక నుండి భర్త జుట్టు పట్టుకుని, చెంపలపై కొట్టడం మొదలుపెట్టింది. భర్త బైక్ నడుపుతుండగా, ఆమె ఏమాత్రం తగ్గకుండా వరుసగా దెబ్బలు కురిపించింది.
వీడియోను గమనించిన వారు దెబ్బలను లెక్కించగా.. ఆ మహిళ కేవలం 27 సెకన్లలో తన భర్తను 14 సార్లు చెంపదెబ్బలు కొట్టినట్లు తేలింది. తన భర్త తన మాజీ ప్రియురాలితో (Ex) దొరికిపోవడమే ఈ గొడవకు కారణమని వీడియోలో పేర్కొన్నారు.