జీతం + పెన్షన్ భారీ పెంపు.. కేంద్ర ప్రభుత్వ ఉద్యోగులకు జాక్‌పాట్! ఏ శాఖలకో తెలుసా?

కేంద్ర ప్రభుత్వ రంగ సాధారణ భీమా కంపెనీల (PSGICs) ఉద్యోగులకు వేతన పెంపు, నాబార్డ్ (NABARD) ఉద్యోగులు మరియు రిటైర్డ్ సిబ్బందికి వేతన, పెన్షన్ సవరణ, అలాగే రిజర్వ్ బ్యాంక్ (RBI) పెన్షనర్ల పెన్షన్ పెంపుదల ప్రతిపాదనలకు కేంద్ర ప్రభుత్వం ఆమోదం తెలిపింది. దీనివల్ల వారి ఆదాయం గణనీయంగా పెరగనుందని కేంద్ర ఆర్థిక మంత్రిత్వ శాఖ వెల్లడించింది.

ముఖ్యమైన వివరాలు:

• భీమా రంగం (Insurance Sector): NICL, NIACL, OICL, UIICL, GIC, AICIL అనే ఆరు ప్రభుత్వ భీమా సంస్థల ఉద్యోగులకు 14% ప్రాథమిక వేతన పెంపు లభిస్తుంది. ఇది ఆగస్టు 1, 2022 నుండి అమల్లోకి వస్తుంది. దీనివల్ల సుమారు 43,247 మంది ఉద్యోగులు లబ్ధి పొందుతారు. అలాగే ఫ్యామిలీ పెన్షన్ 30% కి పెంచబడింది.
• నాబార్డ్ (NABARD): గ్రూప్ A, B, C ఉద్యోగులకు 20% వేతన పెంపు మరియు అలవెన్సుల పెంపునకు ఆమోదం లభించింది. ఇది నవంబర్ 1, 2022 నుండి అమల్లోకి వస్తుంది. సుమారు 3,800 మంది దీనివల్ల ప్రయోజనం పొందుతారు.
• రిజర్వ్ బ్యాంక్ (RBI): ఆర్‌బీఐ పెన్షనర్లు మరియు ఫ్యామిలీ పెన్షనర్ల పెన్షన్‌లో 10% పెంపుకు ప్రభుత్వం గ్రీన్ సిగ్నల్ ఇచ్చింది. ఇది కూడా నవంబర్ 1, 2022 నుండి అమల్లోకి వస్తుంది. దీనివల్ల సుమారు 30,769 మందికి లబ్ధి చేకూరుతుంది.

మొత్తంగా ఈ నిర్ణయం వల్ల 46,000 మందికి పైగా ఉద్యోగులు, 23,500 మంది పెన్షనర్లు, 23,000 మంది ఫ్యామిలీ పెన్షనర్లు సంతోషం వ్యక్తం చేస్తున్నారు.