తమిళనాడు తిరుచెందూర్ సమీపంలోని రామస్వామిపురం గ్రామానికి చెందిన ఒక పండ్ల వ్యాపారి (35)కి చాలా కాలంగా పెళ్లి కావడం లేదు. ఈ క్రమంలో మూక్కాండి అనే బ్రోకర్ ద్వారా తంజావూరుకు చెందిన మహేశ్వరి అనే “అనాథ యువతి” పరిచయమైంది. ఆ యువతి అనాథ అని తెలిసినా, ఆమెను ఆదరించాలనే ఉద్దేశంతో ఆ యువకుడు పెళ్లికి సిద్ధమయ్యాడు.
మోసం జరిగిన తీరు: బ్రోకర్లకు రూ. 40,000 చెల్లించి, జనవరి 20న తిరుచెందూర్ దుర్గా అమ్మవారి ఆలయంలో అత్యంత సరళంగా వివాహం చేసుకున్నాడు. పెళ్లి తర్వాత కొత్త బట్టలు, బంగారు తాళిబొట్టు కూడా చేయించాడు. పెళ్లయిన రెండు రోజుల తర్వాత (జనవరి 22న), భర్త నిత్యావసర వస్తువుల కోసం బజారుకు వెళ్లగా, ఇదే అదనుగా చూసుకున్న మహేశ్వరి ఇంట్లోని రూ. 10,000 నగదు, కొత్త బట్టలు మరియు బంగారు తాళిబొట్టుతో పరారైంది.
సాక్ష్యాలు లేకుండా ప్లాన్: అంతేకాకుండా, ఆ యువతి తెలివిగా భర్త సెల్‌ఫోన్‌లోని పెళ్లి ఫోటోలు, వీడియోలను డిలీట్ చేయడమే కాకుండా, ఇంట్లోని ఫోటోలను కూడా పట్టుకుపోయింది. తనను ఒక ముఠా కలిసి మోసం చేసిందని గ్రహించిన బాధితుడు తిరుచెందూర్ పోలీసులకు ఫిర్యాదు చేశాడు. ’90s కిడ్స్’ శాపం నుంచి బయటపడదామనుకున్న ఆ యువకుడి కలలు కల్లలయ్యాయి.