హరారే స్పోర్ట్స్ క్లబ్‌లో ఇంగ్లాండ్‌తో జరుగుతున్న ఐసీసీ పురుషుల అండర్-19 ప్రపంచ కప్ 2026 ఫైనల్‌లో భారత యువ బ్యాటింగ్ సంచలనం వైభవ్ సూర్యవంశీ అద్భుత ప్రదర్శన చేశాడు. కేవలం 55 బంతుల్లోనే సెంచరీ బాది ప్రత్యర్థి జట్టును బెంబేలెత్తించాడు.
అతని ఈ మెరుపు ఇన్నింగ్స్ భారత్‌ను భారీ స్కోరు దిశగా నడిపించడమే కాకుండా, టైటిల్‌ను కైవసం చేసుకునే బలమైన స్థితిలో నిలబెట్టింది
సూర్యవంశీ చేసిన ఈ సెంచరీ దూకుడుకు మరియు టైమింగ్‌కు ఒక నిదర్శనం. ఆట ప్రారంభం నుంచే బౌలర్లపై విరుచుకుపడుతూ.. కవర్ డ్రైవ్స్, అద్భుతమైన పుల్ షాట్లు మరియు గ్యాప్స్‌లోకి బంతిని మళ్లిస్తూ తన అధికారాన్ని చాటుకున్నాడు. అతని ఇన్నింగ్స్‌లో ఫోర్లు, సిక్సర్ల వర్షం కురవడంతో స్కోరుబోర్డు వేగంగా పరుగులు తీసింది. దీనితో ఇంగ్లాండ్ బౌలింగ్ ప్రణాళికలు పూర్తిగా తలకిందులయ్యాయి.