జెఫ్రీ ఎప్స్టీన్ మరియు అతని సహచరురాలు గిస్లైన్ మాక్స్‌వెల్ కలిసి వందలాది మంది బాలికలను ఎలా ట్రాప్ చేశారు, వారి జీవితాలను ఎలా నాశనం చేశారనే భయంకరమైన విషయాలు అమెరికా డిపార్ట్‌మెంట్ ఆఫ్ జస్టిస్ (DoJ) విడుదల చేసిన నివేదికల ద్వారా వెలుగులోకి వచ్చాయి.
ముఖ్య వివరాలు:
- నమ్మకమే పెట్టుబడిగా: బాధితుల్లో ఒకరైన ‘జేన్’ (14 ఏళ్లు) కథ ప్రకారం.. మాక్స్‌వెల్ మొదట ఎంతో స్నేహపూర్వకగా పరిచయమై, ఆ తర్వాత ఎప్స్టీన్‌ను పరిచయం చేసింది. చదువు, స్కాలర్‌షిప్‌లు ఇప్పిస్తామని నమ్మించి ఆమెను తమ వలలో వేసుకున్నారు.
- మెల్లగా మొదలైన నరకం: మొదట మసాజ్ చేస్తే డబ్బులు ఇస్తామని ఆశ చూపి, ఆ తర్వాత లైంగిక వేధింపులకు పాల్పడేవారు. ఒక బాధితురాలు మరో స్నేహితురాలిని తీసుకొస్తే అదనంగా 300 డాలర్లు ఇస్తామంటూ ఒక విషవలయాన్ని సృష్టించారు.
- ప్రపంచవ్యాప్త నెట్‌వర్క్: న్యూయార్క్, ఫ్లోరిడా, పారిస్, లండన్‌లలోని తన విలాసవంతమైన భవనాలకు మరియు ప్రైవేట్ ద్వీపాలకు బాలికలను తరలించి వేధించేవారు. సుమారు 1,000 మందికి పైగా మహిళలు, బాలికలు వీరి బారిన పడ్డారు.
- శిక్ష: ఎప్స్టీన్ 2019లో జైలులో ఆత్మహత్య చేసుకోగా, మాక్స్‌వెల్‌కు 2022లో 20 ఏళ్ల జైలు శిక్ష పడింది. 150 మంది బాధితులకు 120 మిలియన్ డాలర్ల పరిహారం చెల్లించినప్పటికీ, వారి మానసిక క్షోభ మాత్రం అలాగే మిగిలిపోయింది.