వృందావనంలోని శ్రీ హిత్ రాధా కేలీ కుంజ్ ఆశ్రమానికి చేరుకున్న ఒక మహిళా భక్తురాలు తన బాధను మహరాజ్ ముందు వ్యక్తపరిచింది. తాను ఇప్పుడు ఆధ్యాత్మికం మరియు భక్తి మార్గంలో నడవాలనుకుంటున్నానని, అందుకే తనలో శారీరక కోరికలు పూర్తిగా నశించాయని తెలిపింది. ఆమె ఆవేదన చెందుతూ.. “నా భర్తకు కామవాంఛ (Libido) చాలా ఎక్కువ. ఆయన కోరికను తీర్చలేక నేను మానసికవంగా, శారీరకవంగా అలసిపోతున్నాను. నేను భక్తిలో గడపాలనుకుంటున్నాను, ఇప్పుడు నేను ఏం చేయాలి?” అని ప్రశ్నించింది.
మహరాజ్ పరిష్కారం: భర్తకు తోడుగా ఉండటం భార్య ధర్మం ఆ మహిళ మాటలు విన్న ప్రేమానంద్ మహరాజ్ చాలా ఓపికగా ఆమెకు ‘గృహస్థ ధర్మం’ గురించి బోధించారు. కేవలం జపమాల తిప్పడమే ధర్మం కాదని, తన బాధ్యతలను నెరవేర్చడం కూడా భగవంతుడి సేవ అని ఆయన స్పష్టం చేశారు.
మహరాజ్ ఇచ్చిన కీలక సూచనలు:
- సమన్వయం అవసరం: గృహస్థ జీవితంలో భార్యాభర్తలు ఒకరికొకరు పూరకంగా ఉండాలని మహరాజ్ చెప్పారు. భార్య వైరాగ్యం వైపు ఉన్నా, భర్త ఇంకా ఆ స్థితికి చేరుకోనప్పుడు.. భార్య తన ఇష్టాలను భర్తపై బలవంతంగా రుద్దకూడదు.
- జీవిత భాగస్వామి తప్పుదారి పట్టకూడదు: భార్య తన భర్తను నిర్లక్ష్యం చేస్తే, భర్త తన కోరికల కోసం తప్పుడు మార్గంలో వెళ్లే లేదా అక్రమ సంబంధాల వైపు మొగ్గు చూపే అవకాశం ఉందని గురూజీ హెచ్చరించారు. భర్త పతనం కాకుండా కాపాడటం, అతడిని మర్యాదపూర్వకమైన పరిధిలో ఉంచడం కూడా భార్య ధర్మమేనని ఆయన అన్నారు.
- ప్రేమతో నచ్చజెప్పండి: భర్తకు ఒక స్నేహితుడిలా ప్రేమతో నచ్చజెప్పాలని, మెల్లగా అతడిని కూడా ఆధ్యాత్మిక మార్గం వైపు మళ్లించే ప్రయత్నం చేయాలని సలహా ఇచ్చారు.
ముగింపు: గృహస్థాశ్రమంలో ఉంటూ భక్తి చేయడం అంటే బాధ్యతలను విస్మరించడం కాదని, బంధాలలో సమతుల్యత (Balance) పాటిస్తూనే శాంతిని, భక్తిని పొందవచ్చని మహరాజ్ వివరించారు.