నేటి కాలంలో సోషల్ మీడియాలో పిల్లలకు సంబంధించిన ముద్దుముద్దు వీడియోలు విపరీతంగా వైరల్ అవుతున్నాయి. తాజాగా ఇంటర్నెట్‌లో ఒక చిన్నారి వీడియో నెటిజన్ల మనసు గెలుచుకుంటోంది. ఆ వీడియోలో ఒక పాప గాఢనిద్రలో ఉంటుంది, కానీ తనకిష్టమైన కార్టూన్ శబ్దం వినబడగానే రెప్పపాటులో నిద్రలేచి కూర్చుంటుంది.
ఈ దృశ్యం చూస్తుంటే ఒకవైపు నవ్వు వస్తుంది, మరోవైపు పిల్లల అమాయకత్వం గుర్తుకు వస్తుంది. వీడియోలో గమనిస్తే.. పాప బెడ్‌పై ప్రశాంతంగా నిద్రపోతూ ఉంటుంది. సరిగ్గా అదే సమయంలో గదిలో టీవీ లేదా మొబైల్‌లో తనకు ఇష్టమైన కార్టూన్ ప్లే అవుతుంది. ఆ సౌండ్ చెవిన పడగానే, పాప నిద్ర వెంటనే చెదిరిపోతుంది. ఆమె ఠక్కున లేచి కూర్చుని, ఆ కార్టూన్ నిజంగానే తన ముందు ఉందా అన్నట్లుగా చుట్టూ ఆశ్చర్యంగా చూడటం మొదలుపెడుతుంది.
ఈ వీడియో వైరల్ కావడంతో నెటిజన్లు రకరకాలుగా స్పందిస్తున్నారు. “పిల్లల అమాయకత్వం, వారికి ఇష్టమైన వస్తువుల పట్ల వారికి ఉండే ప్రేమ నిజంగా అద్భుతం” అని ఒకరు కామెంట్ చేయగా, మరికొందరు తమ చిన్ననాటి జ్ఞాపకాలను గుర్తు చేసుకుంటున్నారు. తమకు కూడా చిన్నప్పుడు ఇలాగే ఏదైనా కార్టూన్ సౌండ్ వింటే నిద్రలేచే అలవాటు ఉందని పోస్ట్ చేస్తున్నారు.