టీ20 ప్రపంచకప్ 2026లో న్యూజిలాండ్‌తో జరిగిన మ్యాచ్‌లో దక్షిణ ఆఫ్రికా ఆటగాడు ఎయిడెన్ మార్క్రమ్ చరిత్ర సృష్టించాడు. మెరుపు బ్యాటింగ్‌తో కేవలం 19 బంతుల్లోనే అర్ధశతకం పూర్తి చేశాడు. ప్రపంచకప్ చరిత్రలో దక్షిణ ఆఫ్రికా తరపున అత్యంత వేగంగా ఫిఫ్టీ సాధించిన బ్యాటర్‌గా మార్క్రమ్ నిలిచాడు.
గతంలో క్వింటన్ డికాక్ (2016లో ఇంగ్లాండ్‌పై 21 బంతుల్లో) నెలకొల్పిన రికార్డును మార్క్రమ్ తుడిచిపెట్టేశాడు.
దక్షిణ ఆఫ్రికా తరపున అత్యంత వేగవంతమైన టీ20 ప్రపంచకప్ అర్ధశతకాలు:
- ఎయిడెన్ మార్క్రమ్ – 19 బంతులు (vs న్యూజిలాండ్, 2026)
- క్వింటన్ డికాక్ – 21 బంతులు (vs ఇంగ్లాండ్, 2016)
- క్వింటన్ డికాక్ – 22 బంతులు (vs ఇంగ్లాండ్, 2024)
- ఏబీ డివిలియర్స్ – 23 బంతులు (vs ఇంగ్లాండ్, 2014)
- హెన్రిచ్ క్లాసెన్ – 23 బంతులు (vs భారత్, 2024)
ఈ రికార్డుతో పాటు మార్క్రమ్ భారత దిగ్గజం యువరాజ్ సింగ్ పేరిట ఉన్న ఒక రికార్డును కూడా అధిగమించాడు. 2007 ప్రపంచకప్‌లో ఆస్ట్రేలియాపై యువీ 20 బంతుల్లో ఫిఫ్టీ బాదగా, మార్క్రమ్ దానిని 19 బంతుల్లోనే పూర్తి చేశాడు. అయితే, టీ20 ప్రపంచకప్ చరిత్రలో ఓవరాల్‌గా అత్యంత వేగవంతమైన ఫిఫ్టీ రికార్డు (12 బంతుల్లో) మాత్రం ఇప్పటికీ యువరాజ్ సింగ్ (vs ఇంగ్లాండ్, 2007) పేరిటే భద్రంగా ఉంది.