ప్రస్తుతం ప్రతి రెండో వ్యక్తి జుట్టు రాలడం మరియు బట్టతల సమస్యతో ఇబ్బంది పడుతున్నారు. నీటి నాణ్యత, ఒత్తిడి లేదా జీవనశైలి.. కారణం ఏదైనా కావచ్చు, జుట్టు మాత్రం తగ్గిపోతోంది. ఇలాంటి సమయంలో మార్కెట్లో దొరికే రసాయన ఉత్పత్తులను వాడటం కంటే ఇంటి చిట్కాలను పాటించడం ఉత్తమం. వీటికి సైడ్ ఎఫెక్ట్స్ కూడా ఉండవు.
జామ ఆకులు జుట్టు ఆరోగ్యానికి ఎంతో మేలు చేస్తాయి. వీటిలో ఉండే యాంటీ ఆక్సిడెంట్స్, విటమిన్ B మరియు C, యాంటీ బ్యాక్టీరియల్ గుణాలు జుట్టును బలోపేతం చేసి, చుండ్రును నివారిస్తాయి.
జామ ఆకులను ఉపయోగించే పద్ధతులు:
- జామ ఆకుల నీరు: గుప్పెడు జుట్టు ఆకులను ఒక లీటరు నీటిలో వేసి 10-15 నిమిషాల పాటు మరిగించండి. నీరు సగానికి తగ్గాక చల్లార్చి ఒక స్ప్రే బాటిల్‌లో నింపుకోండి. జుట్టు కడిగేటప్పుడు షాంపూలో ఈ నీటిని కలిపి వాడితే జుట్టు రాలడం తగ్గుతుంది.
- హెయిర్ మాస్క్: జామ ఆకులను మెత్తగా నూరి పేస్ట్ చేయండి. ఇందులో 2-3 చెంచాల కొబ్బరి నూనె లేదా పెరుగు కలిపి జుట్టు కుదుళ్లకు పట్టించండి. 30-40 నిమిషాల తర్వాత మైల్డ్ షాంపూతో స్నానం చేయండి.
- జామ ఆకుల నూనె: కొబ్బరి నూనెను వేడి చేసి అందులో ఎండబెట్టిన జుట్టు ఆకులను వేసి మరిగించండి. ఆకుల రంగు మారే వరకు మరిగించి, ఆ నూనెను చల్లార్చి భద్రపరుచుకోండి. వారానికి 2-3 సార్లు ఈ నూనెతో మసాజ్ చేయండి.