సోషల్ మీడియా ప్లాట్‌ఫారమ్ ‘X’లో వైరల్ అవుతున్న ఒక వీడియో స్ట్రీట్ ఫుడ్ పరిశుభ్రతపై తీవ్రమైన ప్రశ్నలను లేవనెత్తుతోంది. కొంతమంది ఫుడ్ బ్లాగర్లు సాధారణంగా చేసే ‘గోల్‌గప్పా (పానీపూరీ) ఛాలెంజ్’ వీడియోను షూట్ చేస్తున్నారు.
అంతా సాఫీగా సాగుతుందనుకున్న సమయంలో, హఠాత్తుగా పానీపూరీ నీళ్ల గిన్నె నుండి ఒక వింత శబ్దం వినిపించింది. మొదట ఎవరికీ ఏమీ అర్థం కాలేదు, కానీ దగ్గరకు వెళ్లి చూడగా అక్కడున్న వారంతా దిగ్భ్రాంతికి గురయ్యారు. ఆ నీళ్లలో ఒక బతికున్న ఎలుక ఈదుతూ కనిపించింది. ఇది చూసి అందరూ షాక్‌కు గురయ్యారు. వెంటనే ఆ ఎలుకను బయటకు తీసి, ఆ నీళ్లనన్నింటినీ పారబోయించారు. ఒకవేళ సమయానికి గమనించకపోయి ఉంటే, అదే కలుషిత నీటిని ప్రజలకు వడ్డించేవారని వీడియోలో స్పష్టంగా తెలుస్తోంది.
కెమెరా ఆన్ లేకపోతే పరిస్థితి ఏంటి? ఒకవేళ ఆ సమయంలో కెమెరా ఆన్ చేసి వీడియో తీయకపోయి ఉంటే, ఈ విషయం బయటపడేదే కాదు. ఎంతమంది తెలియక ఆ నీటిని తాగేవారో ఆలోచించండి. రోడ్డు పక్కన తినేటప్పుడు ఎంత అప్రమత్తంగా ఉండాలో ఈ ఘటన చెబుతోంది. అధికారులు ఇలాంటి వారిపై కఠిన చర్యలు తీసుకోవాలని నెటిజన్లు డిమాండ్ చేస్తున్నారు.