ఉత్తరప్రదేశ్‌లో మనసును కలచివేసే ఒక దారుణ ఘటన చోటుచేసుకుంది. కడుపులో తీవ్రమైన నొప్పి రావడంతో ఆసుపత్రిలో చేరిన 14 ఏళ్ల బాలిక, అక్కడ ఒక ఆడబిడ్డకు జన్మనిచ్చింది.
దీంతో దిగ్భ్రాంతికి గురైన బాలిక తండ్రి, అసలు ఏం జరిగిందని ఆరా తీయగా.. ఆ బాలిక వణుకుతున్న పెదవులతో చెప్పిన నిజం అందరినీ నిశ్చేష్టులను చేసింది. తమ ఇంటి సమీపంలో నివసించే ఒక వృద్ధుడు (పక్కింటి తాత), బాలిక ఇంట్లో ఒంటరిగా ఉన్న సమయంలో ఆమెను బెదిరించి లైంగిక దాడికి పాల్పడినట్లు తెలిసింది.
భయం కారణంగా ఈ విషయాన్ని ఎవరికీ చెప్పలేక ప్రాణ సంకటంలో ఉన్న ఆ బాలిక, బిడ్డకు జన్మనిచ్చిన తర్వాత నేరస్తుడిని వేలెత్తి చూపింది. ఈ ఫిర్యాదు ఆధారంగా పోలీసులు పోక్సో (POCSO) చట్టం కింద కేసు నమోదు చేసి, పరారీలో ఉన్న ఆ వృద్ధుడి కోసం గాలిస్తున్నారు.
మనవరాలి వయసున్న బాలికపై ఒక వృద్ధుడే ఇలాంటి ద్రోహానికి ఒడిగట్టడం ఆ ప్రాంతంలో తీవ్ర ఆగ్రహావేశాలకు దారితీసింది.