సామాజిక మాధ్యమాల్లో వైరల్ అవుతున్న ఒక వీడియో చూసే వారందరినీ దిగ్భ్రాంతికి గురి చేస్తోంది. అర్ధరాత్రి వేళ నిర్మానుష్యంగా ఉన్న రోడ్డుపై, ఒక యువకుడు తన వృద్ధ తండ్రిని వాహనం నుండి కిందకు నెట్టివేసి, కాలితో తన్నడం ఆ వీడియోలో కనిపిస్తోంది.
ఆ తర్వాత ఆ యువకుడు తన తండ్రిని అక్కడే వదిలేసి వాహనం ఎక్కి వెళ్ళిపోతుండగా.. ఆ వృద్ధుడు “నన్ను ఇక్కడ వదిలేసి వెళ్ళకు” అని చేతులు జోడించి ఏడుస్తూ ప్రాధేయపడటం చూస్తుంటే గుండె తరుక్కుపోతోంది.
ఘటనకు కారణం:
తండ్రీకొడుకుల మధ్య దేశ పరిస్థితి మరియు రాజకీయాలపై ఏర్పడిన భిన్నాభిప్రాయాలే ఈ గొడవకు కారణమని సమాచారం. 2014 తర్వాత దేశ పరిస్థితులు దిగజారాయని తండ్రి అనడం, కొడుకు దానిని వ్యతిరేకించడం.. ఈ క్రమంలో వాగ్వాదం పెరిగి కోపంతో కొడుకు తన తండ్రిని కదులుతున్న కారు నుండి బయటకు నెట్టివేశాడు.
రోడ్డుపై వెళ్తున్న ఇతర వాహనదారులు ఇది చూసినా ఆపకుండా వెళ్ళిపోవడం బాధాకరం. మనస్తాపానికి గురైన ఆ వృద్ధుడు రోడ్డు పక్కన కూర్చుని విలపించడం చూస్తుంటే మానవత్వం ఎంతగా పతనమైందో అర్థమవుతుంది. ఈ వీడియో చూసిన నెటిజన్లు, ఆ యువకుడిని గుర్తించి కఠినంగా శిక్షించాలని, వృద్ధుల భద్రతను ప్రభుత్వం నిర్ధారించాలని ఆగ్రహం వ్యక్తం చేస్తున్నారు.