మరణం తర్వాత ప్రపంచాన్ని చూసి వచ్చిన యువతి; 17 నిమిషాల పాటు స్వర్గంలో ప్రయాణం.. తిరిగి వచ్చి ఏం చెప్పిందంటే?

సోషల్ మీడియాలో ఒక వింత కథనం వైరల్ అవుతోంది. బ్రిటన్‌లోని గ్లౌస్టర్‌కు చెందిన విక్టోరియా థామస్ (41) అనే మహిళ, తాను చనిపోయి మళ్ళీ బతికి వచ్చానని, ఆ సమయంలో మరణానంతర ప్రపంచాన్ని చూశానని పేర్కొన్నారు.

అసలేం జరిగింది? విక్టోరియాకు 35 ఏళ్ల వయసున్నప్పుడు, జిమ్‌లో వర్కౌట్ చేస్తూ అకస్మాత్తుగా కుప్పకూలిపోయారు. ఆమెకు కార్డియాక్ అరెస్ట్ (గుండెపోటు) రావడంతో గుండె కొట్టుకోవడం ఆగిపోయింది. పారామెడికల్ సిబ్బంది 17 నిమిషాల పాటు CPR చేసినప్పటికీ ఫలితం లేకపోయింది. వైద్యపరంగా ఆమె అప్పటికే మరణించినట్లు (Clinically Dead) భావించారు. కానీ 17 నిమిషాల తర్వాత అద్భుతంలా ఆమె గుండె మళ్ళీ కొట్టుకోవడం ప్రారంభించింది.

ఆ 17 నిమిషాల్లో ఏం చూశారు? విక్టోరియా తన అనుభవాన్ని వివరిస్తూ.. “ప్రతిదీ చీకటిగా మారిపోయింది. కానీ అకస్మాత్తుగా నేను జిమ్ పైకప్పు వద్ద తేలుతున్నట్లు అనిపించింది. కింద నేలపై పడి ఉన్న నా శరీరాన్ని, నా చుట్టూ ఉన్న వ్యక్తులను స్పష్టంగా చూశాను. నాకు ఎటువంటి భయం కలగలేదు, అలాగని వెలుగు లేదా ప్రశాంతత కూడా కనిపించలేదు. కేవలం పై నుండి అన్నింటినీ గమనిస్తూ ఉన్నాను” అని చెప్పారు.

వ్యాధి నేపథ్యం: తర్వాత పరీక్షల్లో విక్టోరియా ‘డానన్ డిసీజ్’ (Danon Disease) అనే అరుదైన జన్యుపరమైన వ్యాధితో బాధపడుతున్నట్లు తేలింది. ఇది గుండె, కండరాలు మరియు కాలేయంపై ప్రభావం చూపుతుంది. ప్రపంచంలో పది లక్షల మందిలో ఒకరికి మాత్రమే ఈ వ్యాధి వస్తుంది. దీనివల్ల ఆమె గుండె పదే పదే విఫలమవడంతో, ఆ తర్వాత ఆమెకు గుండె మార్పిడి (Heart Transplant) చికిత్స చేశారు. ప్రస్తుతం ఆమె ఆరోగ్యంగా ఉన్నారు మరియు ఒక కుమారుడికి జన్మనిచ్చారు.