భారత్ సిద్ధం చేస్తున్న ‘శేషనాగ్ డ్రోన్-150’: 1000 కి.మీ రేంజ్.. శత్రువుల అంతమే లక్ష్యం!

న్యూఢిల్లీ: ఇరాన్, ఇజ్రాయెల్ మరియు అమెరికా మధ్య జరుగుతున్న యుద్ధ పరిస్థితుల్లో డ్రోన్లు అత్యంత ప్రమాదకరమైన ఆయుధాలుగా మారాయి. యుద్ధ రంగంలో డ్రోన్ల ద్వారా నిఘా పెట్టడమే కాకుండా, ప్రత్యర్థులపై దాడులు కూడా చేస్తున్నారు. ఇందులో ముఖ్యంగా ఇరాన్‌కు చెందిన తక్కువ ఖర్చుతో కూడిన షాహెద్-136 (Shahed-136) సూసైడ్ డ్రోన్లు, అమెరికాకు చెందిన ల్యూకాస్ (Lucas) UAVల గురించి ప్రపంచవ్యాప్తంగా చర్చ జరుగుతోంది.

ఈ తరుణంలో, భారత్ కూడా శత్రువుల గుండెల్లో నిద్రపోయేలా ఒక శక్తివంతమైన సూసైడ్ డ్రోన్‌ను అభివృద్ధి చేస్తోంది. దీని పేరు ‘శేషనాగ్ డ్రోన్-150’. ఇది శత్రువులకు మృత్యుపాశంలా మారుతుందని నిపుణులు చెబుతున్నారు.

1000 కిలోమీటర్ల పరిధిలో దాడులు

శేషనాగ్ డ్రోన్ 1000 కిలోమీటర్ల కంటే ఎక్కువ దూరం ప్రయాణించి దాడి చేయగలదు. ఇది గగనతలంలో నిరంతరంగా 5 గంటల పాటు ఉండి శత్రువుల కదలికలను గమనిస్తూ, అవసరమైనప్పుడు దాడులు చేస్తుంది. ఇది పాకిస్థాన్ మరియు చైనా సరిహద్దుల్లో భారత రక్షణ వ్యవస్థను మరింత బలోపేతం చేయనుంది.

గుంపుగా వచ్చి ‘ఆత్మాహుతి’ దాడి

శేషనాగ్-150 ప్రత్యేకత ఏమిటంటే, ఇది ‘స్వార్మ్’ (Swarm – గుంపుగా) అటాక్ చేయగలదు. అంటే ఒకేసారి అనేక డ్రోన్లు కలిసి శత్రువుల గగనతల రక్షణ వ్యవస్థలను ధ్వంసం చేస్తూ లక్ష్యాన్ని కచ్చితత్వంతో ఛేదిస్తాయి.

• స్వయంప్రతిపత్తి (Autonomous): ఇది మానవ ప్రమేయం తక్కువగా ఉన్నప్పటికీ స్వయంగా శత్రువులను గుర్తించి, వెంబడించి దాడి చేసేలా రూపొందించబడింది.
• విధ్వంసక సామర్థ్యం: ఇది 25-40 కిలోగ్రాముల బరువున్న పేలుడు పదార్థాలను (Warheads) మోసుకెళ్లగలదు. వాహనాలు, భవనాలు లేదా శత్రు సైన్యంపై భారీ నష్టాన్ని కలిగించడానికి ఇది సరిపోతుంది.

ఎవరు తయారు చేస్తున్నారు?

బెంగళూరుకు చెందిన డిఫెన్స్ స్టార్టప్ న్యూస్పేస్ రీసెర్చ్ టెక్నాలజీస్ (NRT) ఈ శేషనాగ్-150 డ్రోన్‌ను పూర్తి స్వదేశీ సాంకేతికతతో అభివృద్ధి చేసింది. ఈ డ్రోన్ తన మొదటి ప్రయోగాత్మక ప్రయాణాన్ని ఏడాది క్రితమే పూర్తి చేసుకుంది.

శేషనాగ్-150 డ్రోన్ యొక్క ప్రధాన ప్రత్యేకతలు: