చెన్నై: తమిళ వెట్రి కళగం (TVK) అధినేత, నటుడు విజయ్ నుండి విడాకులు కోరుతూ ఆయన భార్య సంగీత పిటిషన్ దాఖలు చేసినట్లు వార్తలు వస్తున్నాయి. ఇందులో ఒక నటిపై సంగీత తీవ్రమైన ఆరోపణలు చేసినట్లు తెలుస్తోంది. ఈ పరిస్థితుల్లో నిన్న చెన్నైలో జరిగిన కల్పాత్తి సురేష్ కుమారుడి వివాహ వేడుకకు విజయ్ మరియు త్రిష కలిసి రావడం సోషల్ మీడియాలో పెద్ద చర్చకు దారితీసింది.
అభిమానుల ఆవేదన
“ఏ దళపతి కోసం అయితే మేము గొడవ పడ్డామో, ఆయనే ఇలా చేశారే!” అంటూ ఎక్స్ (X), ఇన్‌స్టాగ్రామ్‌ వేదికగా విజయ్ అభిమానులు ఆగ్రహం వ్యక్తం చేస్తున్నారు. సంగీత విడాకుల నోటీసు పంపిన వారం కూడా గడవకముందే, త్రిషతో కలిసి విజయ్ బహిరంగంగా తిరగడం ‘సిగ్గుచేటు’ (Shameful) అంటూ నెటిజన్లు పోస్టులు పెడుతున్నారు. “భార్యకు అండగా ఉండాల్సింది పోయి, ఇలా త్రిషతో కలిసి ఒకే రంగు దుస్తుల్లో (Twinning) తిరగడం విజయ్‌కు అందం కాదు” అని, ఆయన తన గౌరవాన్ని కోల్పోతున్నారని అభిమానులు ఆవేదన చెందుతున్నారు. విజయ్ కుమారుడు సంజయ్ కూడా ఆయనను సోషల్ మీడియాలో అన్‌ఫాలో చేశారనే వార్తలు అభిమానులను మరింత కలవరపెడుతున్నాయి.
వైరల్ అవుతున్న ఒక అభిమాని పోస్ట్
ఒక విజయ్ అభిమాని పెట్టిన పోస్ట్ ఇప్పుడు సంచలనంగా మారింది. ఆ పోస్ట్ సారాంశం ఇది:
“నేను వెళ్లే చర్చికి సుమారు 3000 మంది వస్తారు. అందులో ఒక 1000 మందికి విజయ్ అన్నకు ఓటు వేయమని చెప్పాను. ఆయన కూడా మనలాగే క్రిస్టియన్ అని, మనం సపోర్ట్ చేయాలని కోరాను. వాళ్ళు కూడా సరే అన్నారు. కానీ ఈరోజు ఉదయం లేచి చూస్తే నా ఫోన్‌కు 23 మిస్డ్ కాల్స్ వచ్చాయి. ఒక 53 ఏళ్ల వ్యక్తికి ఫోన్ చేస్తే.. ‘ఏమయ్యా, మీ నాయకుడు ఇంత చీప్‌గా ఉన్నాడు? ఇతడికా ఓటు వేయమని అడిగావు? దయచేసి ఇకపై చర్చిలో ఇలాంటివి మాట్లాడకు’ అని ఫోన్ పెట్టేశాడు. తన నిర్ణయం ఇతరులను ఎలా ప్రభావితం చేస్తుందో ఆలోచించేవాడే నిజమైన నాయకుడు.”