పని ఒత్తిడిలో ఉన్నప్పుడు లేదా అలసటగా అనిపించినప్పుడు ఒక కప్పు ఘాటైన టీ ఇచ్చే ఉపశమనం అంతా ఇంతా కాదు. అయితే, టీ చేసే పద్ధతిలో చిన్న చిన్న మార్పులు చేయడం వల్ల దాని రుచి అద్భుతంగా మారుతుంది.
టీ రుచిని పెంచే ఆ రహస్యాలు ఇవే:
నీటి పరిమాణం మరియు వేడి
టీ రుచిని నిర్ణయించే మొదటి అంశం నీరు. రెండు కప్పుల టీ కోసం కచ్చితంగా రెండు కప్పుల నీటిని తీసుకోండి. నీరు బాగా మరిగే వరకు వేచి ఉండాలి. నీరు సరిగ్గా మరగకపోతే పచ్చి వాసన వచ్చే అవకాశం ఉంది.
అల్లం ఎప్పుడు వేయాలి?
అల్లం టీ ఇష్టపడేవారు, నీరు బాగా మరుగుతున్న సమయంలోనే అల్లం తురుమును వేయాలి. చల్లని నీటిలో అల్లం వేయడం వల్ల దానిలోని పూర్తి గుణాలు, సువాసన టీకి అందవు.
టీ పొడి మరియు ‘5 నిమిషాల’ నియమం
నీరు బాగా మరిగిన తర్వాత మాత్రమే టీ పొడిని వేయండి. టీకి మంచి రంగు, ఘాటు రావాలంటే కనీసం 5 నిమిషాల పాటు తక్కువ మంట మీద మరగనివ్వాలి. ఇది టీకి ఒక ప్రత్యేకమైన ‘ఫ్రెష్నెస్’ ఇస్తుంది.
పాలు కలిపేటప్పుడు జాగ్రత్త
చాలామంది చేసే పెద్ద తప్పు ఏమిటంటే, ఫ్రిజ్లో ఉన్న చల్లని పాలను నేరుగా టీలో పోయడం. ఇలా చేయడం వల్ల టీ ఉష్ణోగ్రత ఒక్కసారిగా తగ్గిపోయి రుచి పాడవుతుంది. పాలను వేడి చేసి ఆ తర్వాతే టీలో కలపడం ఉత్తమం.
పంచదార వేసేటప్పుడు ఈ ట్విస్ట్ గమనించండి!
మీరు టీలో ముందే పంచదార వేస్తున్నారా? అయితే మీరు టీ రుచిని సగం అక్కడే కోల్పోతున్నట్లే. టీ పొడి, పాలు అన్నీ వేసి బాగా మరిగిన తర్వాత, చివరలో మాత్రమే పంచదార వేయండి. ఈ చిన్న మార్పు టీ రుచిని ఎలా మారుస్తుందో మీరే గమనిస్తారు.
Leave a Reply