అలీఘర్ రామ్‌ఘాట్ రోడ్డులోని ఒక విలాసవంతమైన హోటల్‌లో ఆదివారం నాడు హైడ్రామా చోటుచేసుకుంది. తన భార్య మరొక వ్యక్తితో కలిసి ఉండటాన్ని గమనించిన ఓ భర్త, పోలీసులతో కలిసి వచ్చి వారిని పట్టుకున్నాడు.
అసలేం జరిగింది? బులంద్‌షహర్‌కు చెందిన సదరు వ్యక్తి ఆదివారం నాడు తన సోదరి ఇంటికి అలీఘర్ వచ్చాడు. నగరంలో తిరుగుతుండగా, అనుకోకుండా తన భార్య మరొక వ్యక్తితో కలిసి సన్నిహితంగా ఉండటం చూశాడు. గొడవ చేయకుండా వారిని వెంబడించిన భర్త, వారు రామ్‌ఘాట్ రోడ్డులోని ఒక హోటల్‌లో గది అద్దెకు తీసుకున్నట్లు గుర్తించాడు.
పోలీసుల ఎంట్రీ: వెంటనే అతను స్థానిక క్వార్సీ పోలీస్ స్టేషన్‌కు సమాచారం అందించాడు. పోలీసులతో కలిసి హోటల్ గది వద్దకు చేరుకోగా, అక్కడ భార్య తన ప్రియుడితో కలిసి రెడ్ హ్యాండెడ్ గా దొరికిపోయింది. ఈ క్రమంలో భర్తకు, భార్య ప్రియుడికి మధ్య తీవ్ర వాగ్వాదం మరియు ఘర్షణ జరిగింది.
కోర్టులో కేసులు – వివాదం: పోలీసుల విచారణలో పలు ఆసక్తికర విషయాలు బయటపడ్డాయి. వీరిద్దరికీ మూడున్నర ఏళ్ల క్రితం ప్రేమ వివాహం జరిగింది. అయితే, కొద్ది కాలానికే మనస్పర్థలు రావడంతో ప్రస్తుతం కోర్టులో విడాకుల కేసులు నడుస్తున్నాయి. భార్య ఇప్పటికే భర్తపై కేసు పెట్టి విడిగా ఉంటోంది.
పోలీసుల చర్య: పోలీసులు ముగ్గురినీ స్టేషన్‌కు తరలించారు. శాంతి భద్రతలకు విఘాతం కలిగించినందుకు భార్య ప్రియుడు మృదుల్‌పై కేసు నమోదు చేశారు. మహిళను ఆమె తల్లికి అప్పగించి పంపించివేశారు.