ఆదిత్య ధర్ దర్శకత్వం వహించిన ‘ధురంధర్’ మరియు ‘ధురంధర్: ది రివెంజ్’ చిత్రాల్లోని అనేక పాత్రలు వాస్తవ ఘటనల ఆధారంగా రూపొందాయి. కొన్ని పేర్లు మార్చగా, కొన్నింటిని అలాగే ఉంచారు. సినిమాలో వీరి మరణాలను చూపించిన విధానం, నిజ జీవితంలో జరిగిన దానికి ఎంత దగ్గరగా ఉందో ఇక్కడ చూడండి:
1. రెహ్మాన్ బలోచ్ (Rehman Baloch) సినిమాలో అక్షయ్ ఖన్నా పోషించిన ఈ పాత్ర లియారీకి చెందిన గ్యాంగ్‌స్టర్ ఆధారంగా రూపొందింది.
- సినిమాలో: రణవీర్ సింగ్ ప్లాన్ ప్రకారం చౌదరి అస్లాం చేతిలో చనిపోతాడు.
- నిజ జీవితంలో: 2009లో కరాచీలో పాకిస్థాన్ సెక్యూరిటీ ఫోర్సెస్ జరిపిన ఎన్కౌంటర్‌లో మరణించాడు.
2. చౌదరి అస్లాం (Chaudhary Aslam) సంజయ్ దత్ పోషించిన ఈ ఎస్పీ పాత్ర సినిమాలోనే కాక నిజ జీవితంలోనూ అత్యంత శక్తివంతమైనది.
- సినిమాలో: షిరానీ బలోచ్ జరిపిన కారు బాంబు దాడిలో మరణిస్తాడు.
- నిజ జీవితంలో: ఆదిత్య ధర్ దీనిని వాస్తవానికి దగ్గరగా ఉంచారు. 2014లో జరిగిన ఆత్మాహుతి కారు బాంబు దాడిలోనే చౌదరి అస్లాం మరణించారు.
3. జహూర్ మిస్త్రీ (Zahoor Mistry) కందహార్ హైజాక్‌తో సంబంధం ఉన్న ఈ పాత్రను వివేక్ సిన్హా పోషించారు.
- సినిమాలో: అజయ్ సాన్యల్ (ఆర్. మాధవన్) ఆదేశాల మేరకు హమ్జా (రణవీర్ సింగ్) పాకిస్థాన్‌లో ‘అన్‌నోన్ గన్‌మెన్’ (తెలియని వ్యక్తులు) ఆపరేషన్ నిర్వహించి ఇతడిని హతమారుస్తాడు.
- నిజ జీవితంలో: 2023లో కరాచీలో గుర్తుతెలియని వ్యక్తుల కాల్పుల్లో జహూర్ మిస్త్రీ మరణించాడు.
4. ఆజం చీమా (Azam Cheema) ముంబై రైలు పేలుళ్ల మాస్టర్‌మైండ్ అయిన ఈ పాత్రను వినోద్ థరానీ పోషించారు.
- సినిమాలో: హమ్జా జరిపిన బాంబు పేలుడులో ఆజం మరణిస్తాడు.
- నిజ జీవితంలో: ఇతడి మరణంపై స్పష్టమైన ఆధారాలు లేవు. అయితే 2024లో పాకిస్థాన్‌లో గుండెపోటుతో మరణించినట్లు వార్తలు వచ్చాయి.
5. మేజర్ ఇక్బాల్ / ఇలియాస్ కాశ్మీరీ అర్జున్ రాంపాల్ పోషించిన ఈ పాత్ర అల్ ఖైదా సభ్యుడు ఇలియాస్ కాశ్మీరీ ఆధారంగా రూపొందింది.
- సినిమాలో: క్లైమాక్స్‌లో రణవీర్ సింగ్ మరియు అర్జున్ రాంపాల్ మధ్య జరిగే భారీ యాక్షన్ సీక్వెన్స్‌లో హమ్జా చేతిలో మేజర్ ఇక్బాల్ చనిపోతాడు.
- నిజ జీవితంలో: ఇది సినిమాకు భిన్నంగా ఉంది. ఇలియాస్ కాశ్మీరీ 2011లో దక్షిణ వజీరిస్థాన్‌లో జరిగిన అమెరికా డ్రోన్ దాడిలో మరణించాడు.