పశ్చిమ ఆసియాలో యుద్ధ భయాలు మరియు హార్ముజ్ జలసంధిలో నెలకొన్న ఉద్రిక్తతల వల్ల ప్రపంచవ్యాప్త ఇంధన సరఫరాలో అంతరాయం ఏర్పడింది. ఈ నేపథ్యంలో, భారత పౌరులకు, ముఖ్యంగా వలస కార్మికులు మరియు స్థానిక చిరునామా పత్రాలు లేని వారికి ఉపశమనం కలిగించేందుకు కేంద్ర పెట్రోలియం మరియు సహజ వాయువు మంత్రిత్వ శాఖ 5 కేజీల FTL (Free Trade LPG) సిలిండర్ల నిబంధనలను సరళీకృతం చేసింది.
ఇకపై మీకు దగ్గరలోని గ్యాస్ ఏజెన్సీ లేదా డిస్ట్రిబ్యూటర్ వద్ద ఏదైనా ఒక చెల్లుబాటు అయ్యే గుర్తింపు కార్డు (ID Proof) చూపిస్తే చాలు, 5 కేజీల సిలిండర్ పొందవచ్చు. దీని కోసం రెంటల్ అగ్రిమెంట్ లేదా అడ్రస్ ప్రూఫ్ సమర్పించాల్సిన అవసరం లేదు.
ఎవరికి ప్రయోజనం?
నగర ప్రాంతాల్లో నివసించే వలస కార్మికులు, విద్యార్థులు మరియు తక్కువ గ్యాస్ వినియోగించే చిన్న కుటుంబాలకు ఈ నిర్ణయం వరం కానుంది. గణాంకాల ప్రకారం, గత మార్చి 23 నుండి ఇప్పటివరకు సుమారు 5.7 లక్షల చిన్న సిలిండర్లు అమ్ముడయ్యాయి. ఏప్రిల్ 4వ తేదీన ఒక్కరోజే 71,000 కంటే ఎక్కువ సిలిండర్లు అమ్ముడవడం దీనికున్న డిమాండ్‌ను సూచిస్తోంది.
సిలిండర్ పొందే విధానం:
- ఎక్కడ లభిస్తాయి?: మీ సమీపంలోని గ్యాస్ డిస్ట్రిబ్యూటర్లు (Indane, HP, Bharat Gas), ఎంపిక చేసిన పెట్రోల్ బంకులు లేదా కిరాణా దుకాణాలను సందర్శించండి.
- అవసరమైన పత్రాలు: ఆధార్ కార్డ్, పాన్ కార్డ్, ఓటర్ ఐడి లేదా డ్రైవింగ్ లైసెన్స్‌లలో ఏదో ఒకటి సిద్ధంగా ఉంచుకోండి.
- పక్రియ: అడ్రస్ ప్రూఫ్ లేకుండా ‘ఛోటు’ (Chhotu) లేదా 5 కేజీల ఎఫ్టీఎల్ (FTL) సిలిండర్ కావాలని కోరండి. నిర్ణీత సొమ్ము చెల్లించి వెంటనే సిలిండర్ పొందవచ్చు.
నగదు వాపసు (Refund) సౌకర్యం:
ఒకవేళ మీరు సిలిండర్‌ను తిరిగి ఇచ్చేయాలనుకుంటే, వినియోగ కాలంతో సంబంధం లేకుండా సుమారు ₹500 వరకు రీఫండ్ పొందే అవకాశం కూడా ఉంది.