న్యూఢిల్లీ: ఇరాన్ మరియు ఇజ్రాయెల్ మధ్య జరుగుతున్న యుద్ధం కారణంగా ఎల్‌పీజీ గ్యాస్ సరఫరాలో అంతరాయం కలగవచ్చనే వార్తలు సోషల్ మీడియాలో హల్చల్ చేస్తున్నాయి. ఈ భయాన్నే పెట్టుబడిగా మార్చుకున్న సైబర్ దొంగలు, సామాన్యులను దోచుకునేందుకు రంగంలోకి దిగారు. ‘తక్షణ గ్యాస్ బుకింగ్’ పేరుతో నకిలీ వెబ్‌సైట్లు సృష్టించి బ్యాంక్ ఖాతాలను ఖాళీ చేస్తున్నారు.
ప్రమాదకరమైన ఆ 5 నకిలీ వెబ్‌సైట్లు ఇవే!
ఇండియన్ సైబర్ క్రైమ్ కోఆర్డినేషన్ సెంటర్ (I4C) మరియు సైబర్ సెల్ విభాగం కింద పేర్కొన్న వెబ్‌సైట్లను ‘నకిలీ’ అని గుర్తించాయి. వీటిని పొరపాటున కూడా క్లిక్ చేయకండి:
https://indanegasservice.site/https://samedaydgascylinder.co.in/https://inoilpump2026.us.cc/registerhttps://gasagencydealership.in/https://www.indianoilcorporations.in
మోసం చేసే పద్ధతి ఇదే:
- నకిలీ కాల్స్: గ్యాస్ ఏజెన్సీ అధికారులమని చెప్పి మీకు ఫోన్ చేస్తారు.
- భయం పెట్టడం: మీ గ్యాస్ కేవైసీ (KYC) పూర్తి కాలేదని లేదా సబ్సిడీ ఆగిపోతుందని భయపెడతారు.
- ఒత్తిడి చేయడం: ఆఫర్ల పేరుతో లేదా త్వరగా బుక్ చేసుకోవాలని మిమ్మల్ని తొందరపెడతారు.
- సమాచారం చోరీ: మాటల మధ్యలో మీ ఓటీపీ (OTP), యూపీఐ పిన్ లేదా బ్యాంక్ వివరాలు అడుగుతారు.
- ఏపీకే ఫైల్స్: ఫోన్ హ్యాక్ చేసేందుకు కొన్ని లింక్‌లు పంపి వాటిని ఇన్‌స్టాల్ చేయమని చెబుతారు.
జాగ్రత్తగా ఉండండి.. ఇలా చెక్ చేసుకోండి:
- URL తనిఖీ: వెబ్‌సైట్ అడ్రస్‌లోని స్పెల్లింగ్‌లను జాగ్రత్తగా చూడండి. చిరునామా మొదట్లో HTTPS (తాళం గుర్తు) ఉందో లేదో గమనించండి.
- OTP ఇవ్వకండి: ఏ గ్యాస్ ఏజెన్సీ కూడా ఫోన్‌లో మీ బ్యాంక్ వివరాలు లేదా ఓటీపీ అడగదు.
- అంతర్జాతీయ నంబర్లు: గుర్తు తెలియని విదేశీ నంబర్ల నుండి వచ్చే బుకింగ్ సందేశాల పట్ల అప్రమత్తంగా ఉండండి.
అధికారికంగా బుక్ చేసుకునే మార్గాలు:
- Indane (ఇండియన్ ఆయిల్): వెబ్‌సైట్
cx.indianoil.in, వాట్సాప్ నంబర్7588888824. - HP గ్యాస్ (HPCL): వెబ్‌సైట్
myhpgas.in, వాట్సాప్ నంబర్9222201122. - Bharat Gas (BPCL): వెబ్‌సైట్
my.ebharatgas.com, వాట్సాప్ నంబర్1800 22 4344.
ఒకవేళ మోసపోతే ఏం చేయాలి?
- వెంటనే మీ బ్యాంకుకు సమాచారం ఇచ్చి కార్డులు లేదా నెట్ బ్యాంకింగ్‌ను బ్లాక్ చేయించండి.
- మీ సోషల్ మీడియా మరియు బ్యాంకింగ్ యాప్స్ పాస్‌వర్డ్‌లను వెంటనే మార్చండి.
- వెంటనే సైబర్ హెల్ప్‌లైన్ నంబర్ 1930కి ఫోన్ చేయండి.
cybercrime.gov.inపోర్టల్‌లో మీ ఫిర్యాదును నమోదు చేయండి.