నాశిక్: మహారాష్ట్రలోని నాశిక్లో పట్టపగలు, జనం రద్దీగా ఉండే రహదారిపై సామాన్య మానవత్వం సిగ్గుపడేలా ఒక దారుణ హత్య చోటుచేసుకుంది. ఒక మహిళ, ఒక పురుషుడు కలిసి ఒక వ్యక్తిని నడిరోడ్డుపై అడ్డగించి, అత్యంత కిరాతకంగా ప్రాణాలు తీసిన తీరు చూసి దేశవ్యాప్తంగా ప్రజలు దిగ్భ్రాంతికి గురవుతున్నారు. ఈ అమానుష ఘటనకు సంబంధించిన దృశ్యాలు ప్రస్తుతం సోషల్ మీడియాలో వైరల్ అవుతూ వెన్నులో వణుకు పుట్టిస్తున్నాయి.
కళ్ళలో కారం కొట్టి.. బండరాయితో బాది!
నాశిక్లోని విల్హోల్ ప్రాంతంలో ఈ దారుణం జరిగింది. నిందితురాలు తనతో ఉన్న వ్యక్తితో కలిసి బాధితుడిని మార్గమధ్యలో అడ్డగించింది. అతను తేరుకునేలోపే కళ్లలో కారంపొడి చల్లింది. కళ్లు మండటంతో అతను విలవిలలాడుతుండగా, ఒక పెద్ద బండరాయిని అతని తలపై వేసి కింద పడేసింది. అంతటితో ఆ మృగాని ఆవేశం చల్లారలేదు. తను దాచుకున్న పదునైన కత్తితో (కొడవలి వంటి ఆయుధం) ఆ వ్యక్తి ముఖం, మెడపై విచక్షణారహితంగా దాడి చేసింది.
ప్రాణం పోయినా ఆగని రాక్షసత్వం!
బాధితుడు రక్తపు మడుగులో పడి తుదిశ్వాస విడిచినప్పటికీ, ఆ మహిళ కసి తీరలేదు. చనిపోయిన వ్యక్తి ముఖం గుర్తుపట్టలేనంతగా చిద్రం చేస్తూ పదే పదే కత్తితో పొడుస్తున్న దృశ్యాలు అక్కడ ఉన్నవారి సెల్ఫోన్లలో రికార్డయ్యాయి. చుట్టూ ఉన్న జనం భయంతో స్తంభించిపోయి చూస్తుండగానే.. ఆ కిరాతక జంట తమ గుర్తింపును దాచడానికి నంబర్ ప్లేట్ మార్చిన బైక్పై చాకచక్యంగా అక్కడి నుండి పరారయ్యారు.
వివాహేతర సంబంధమే కారణమా?
సమాచారం అందుకున్న నాశిక్ పోలీసులు వెంటనే ఘటనా స్థలానికి చేరుకుని మృతదేహాన్ని స్వాధీనం చేసుకున్నారు. ప్రాథమిక విచారణ ప్రకారం.. ఈ హత్యకు వివాహేతర సంబంధం లేదా వ్యక్తిగత కక్షలు కారణం కావచ్చని పోలీసులు అనుమానిస్తున్నారు. నిందితుల కోసం గాలింపు చర్యలు ముమ్మరం చేశారు.
నిత్యం వాహనాలతో బిజీగా ఉండే హైవేపై, అందరూ చూస్తుండగానే జరిగిన ఈ రక్తపాతం ఆ ప్రాంతంలో తీవ్ర భయాందోళనలను రేకెత్తించింది. సామాన్యుల భద్రతపై ఈ ఘటన పెద్ద ప్రశ్నార్థకాన్ని మిగిల్చింది.